Агар Х1Х асрнинг охирларида хитой армияси немис модели асосида тузилган ва унинг фаолияти ҳам мана шу асосда қурилган бўлса, ХХ асрнинг бошларига келиб эса хитой армиясида японларнинг таъсири сезила бошлади

1.Birinchi bosqich. 1937 yil 7 iyuldan boshlandi. Bu bosqich Beypin, hozirgi Pekin shahri yaqinida Marko Polo ko‘prigi yaqinidagi janjaldan boshlandi. Bu janjal Milliy hukumatning 29-armiyasi bilan yaponlar o‘rtasidagi urushga aylanib ketdi. SHu yili 7 avgustda Butunxitoy konferensiyasi bo‘lib o‘tdi. Konferensiya milliy mudofaa masalalariga bag‘ishlangan edi. Konferensiyada Xitoy rahbariyati ko‘pchilikning roziligi bilan mamlakatda Yaponiya agressiyasiga qarshi umumiy kurash olib borishga qaror qildi.
YUqorida qayd etib o‘tilgan hodisalar ta’sirida Xitoy yoshlari o‘rtasida Yaponiya agressiyasiga qarshi kurash boshlandi. Ularning ichida bosqinchilarga qarshi kurash rejalari va bu kurashning shakllari haqida turli bahslar va munozaralar boshlandi. Bu maqsadda talabalar, ishchi yoshlar va boshqa sohalarda mehnat qiladigan yoshlar turli yig‘ilishlar va konferensiyalar o‘tkaza boshladilar.
Ana shunday konferensiyalardan biri 1931 yil oktyabr oyida Nankinda bo‘lib o‘tdi. Konfereniya ishtirokchilari “Millatni qutqarish!” shiorini ilgari surdilar, ular o‘z harakatlarini “millatni qutqaruvchilar harakati”, deb nomladilar. Bu davrda yana milliy ozodlik harakatida faol ishtirok etmoqchi bo‘lish istagidagi yoshlarning turli siyosiy tashkilotlari paydo bo‘ldi. “Po‘lat va qon armiyasi”, “Yaponiyaga qarshi assotsiatsiya” nomli yoshlar tashkilotlari ana shular jumlasidandir. Ular o‘z yig‘ilishlarida Xitoy ulkan hudud, boy yerlar, konlar, hosildor dalalar, serunum tuproq va boshqa qulayliklarga ega bo‘lib, ular asosida Xitoy kelajakda buyuk taraqqiyotga erishishi mumkinligi haqida ko‘p gapirar edilar.
Konferensiyaning qaroriga javoban yaponlar alohida hududlarda harbiy olperatsiyalar o‘tkazishga kirishdilar. Ular ikkita provinsiyada siyosiy nazorat o‘rnatishga qaror qildilar. Bu provinsiyalar SHimoliy Xitoyda joylashgan bo‘lib, ular CHaxar va Xebey deb atalardi. Bundan maqsad o‘sha davrda bu hududda hukkumat boshlig‘i bo‘lgan Chan Kayshini Sovet Ittifoqi tomonidan bo‘lishi mumkin bo‘lgan yordamdan mahrum etish edi.
Umuman olganda, Xitoyning katta hududida Yaponiyaga qarshi kurash boshlandi, ammo bu kurash hamma joyda ham bir xil emas edi. Kurash ayrim hududlarda uchliroq bo‘lsa, boshqa joylarda juda sust borayotgan edi. Kurashning xususiyati ko‘p jihatdan mahalliy shart – sharoitlar, ob’ektiv va sub’ektiv sabablarga bog‘liq edi. Masalan, 1937 yil 25 sentyabrda Xitoyga yordam berayotgan SSSRning Qizil armiya kuchlari bilan birga Gomindan (Xitoy Milliy hukumati) olib borgan jangda yaponlar ustidan g‘alabaga erishildi.