Ҳаёт фаолияти хавфсизлигини таъминлаш асослари 1-Маъруза

 
 
Таянч сўзлар: Соғлом турмуш тарзи, чиниқиш, гиподинамия, алкогол, наркотик, гигиена, шахсий гигиена, очиқиш.
Назорат саволлари
1. Соғлом турмуш тарзи нима?
2. Гиподинамия (кам ҳаракатли меҳнат фаолияти) ҳақида тушунЧангиз?
3. Соғлом турмуш тарзига салбий таъсир этувчи омилларни сананг?
4. Зарарли одатлар деганда нимани тушунасиз?
5. Мамлакат аҳолисининг соғлиги ҳолатига боғлиқ бўлган омилларни сананг ва изоҳланг?
6. Нотўғри овқатланиш деганда нимани тушунасиз?
7. Ортиқча овқатланиш нимага сабаб бўлиши мумкин?
8. Етарли овқатланмаслик қандай салбий оқибатларга сабаб бўлади?
 

. Ишлаб чиқариш жараёнлари санитарияси ва гигиенаси.

4-Маъруза

Режа:

1. Ишлаб чиқариш санитарияси ҳақида тушунча ва унинг вазифалари.

2. Ишлаб чиқариш шовқини ва титрашларни хусусиятлари ва уларни инсон организмига таъсири.

3. Зарарли моддалар ва нурларни инсон организмига таъсири ва улардан ҳимояланиш.

4. Чанг ва уни организмга таъсири.

5. Электр хавфсизлиги асослари.

Ишлаб чиқариш санитарияси - ишчиларга зарарли ишлаб чиқариш омилларини таъсирини олдини олувчи воситалар, санитар-техник, гигиеник ва ташкилий тадбирлар системасидир. Ишлаб чиқариш санитариясида асосий эътибор инсонга ҳаво муҳити ва бевосита тегиш орқали салбий таъсир этадиган ишлаб чиқаришнинг зарарли омилларига қаратилади. Ҳаво орқали ишчига таъсир этадиган зарарлар, ноқулай микроиқлим, чанглар, газлар, шовқинлар, инфра ва ултратовушлар, иш жойларини ёки хонани етарлича бўлмаган ва жуда ҳам ёритилганлиги электромагнит, инфрақизил, ултрабинафша, радиоактив ва бошқа нурланишлар кўринишларида бўлиши мумкин. Инсонга зарарли омиллар уларга бевосита текканда ҳам салбий таъсир қилиши мумкин. Уларга қаттиқ ёки суюқ зарарли ,,моддали" ускуналар ёки жиҳозларни мисол қилиб келтириш мумкин.
Очиқ майдонларда далада жараёнларни бажаришда ишчилар хавфсизлиги ва соғлиги метеорологик (ҳаво ҳароратининг юқори ёки пастлиги, шамол, ёмғир, қор, қуёш радиатсияси ва бошқалар) шароитга ҳам боғлиқ бўлади.