Аerоkоsmoslıq usılıq – túrli ilimiy jumıslаrdа hámde kartalar dúziwde kоsmоstаn alınǵаn súwretlerden paydаlаnılаdı. Аfеliy

Dárya deregi – dáryanıń baslanatuǵın ornı.

Dárya qıyalıǵı – dáryalardıń deregi hám quyar jeri arasındaǵı absolyut bálentlikler parqınıń onıń uzınlıǵına salıstırması.

Dárya quyarlıǵı – dáryalardıń basqa dáryalarǵa, okeanǵa yaki teńizge quyılıw ornı.

Dárya sisteması – dárya hám onıń salalarına aytıladı

Dárya sistemasınıń tıǵızlıǵı – basseyndegi barlıq dáryalar hám olardıń salalarınıń uzınlıǵınıń basseyn maydanına salıstırması. N = ΣL/S

Deflyaciya – samal qandayda bir júzege tásir etip bólekshelerdi kóshirip, ushırıp alıp ketiwi.

Disimmetriya – simmetriyalıqtıń buzılıwı disimmetriya dep ataladı. Mısalı, arqa polyustaǵı suwlıqqa qubla polyustaǵı qurǵaqlıqtıń tuwrı keliwi.

Dreyf aǵıslar – samal tásirinde payda bolatuǵın aǵıslar.

Drumlinalar – sozıńqı, máyek tárizli formadaǵı, uzın oǵı muzlıq baǵdarına parallel bolǵan tóbeler.

Ekliptika – Jer orbitası tegisligine tuwrı keliwshi tegislik.