Adamzat ja`miyetinin` payda boliwi menen adamlardin` turmisi, miyneti xa`m o`z-ara qarim-qatnasi protsesinde ta`rbiya payda boldi

. Tiykarg`i pedagogikaliq tu`sinikler
Ta`rbiya tu`sinigi ken` ma`niste qollanilg`anda ja`miyet qubilislarinin`, ta`biyat qubilislarinin`, qorshap alg`an sotsialliq xa`m ta`biyiy ortaliqtin`, ta`rbiyanin` xa`m adamnin` o`zine-o`zi ko`rsetetug`in ta`siri arqali shaxstin` qa`liplesiwinin` pu`tin bir protsesi tu`siniledi.
Ta`rbiya tu`sinigi tar ma`niste paydalanilg`anda adamlarda insaniy sipatlardi sanali tu`rde, aldin-ala bir maqsetti go`zlep qa`liplestiriwge qaratilip, arnawli sho`lkemlestirilgen xizmet xa`m shaxstin` rawajlaniwin basqariw protsesi na`zerde tutiladi.
 
Oqitiw degende mug`allimnin` oqiwshilardi bilim, eplilik, ko`nlikpeler menen qurallandiriw xa`m oqiwshilardin` olardi o`zlestirip a`melde qollaw protsesi tu`siniledi.
Mag`liwmat sistemalastirilg`an bilimlerdi, olar menen baylanisli bolg`an biliw xa`m a`meliy jumis usillarin, ko`z qarasti, insaniy sipatlardi o`zlestiriw protsesinin` na`tiyjesi bolip esaplanadi.
. Pedagogikaliq ilimler sistemasi
Pedagogikaliq ilimler sistemasina pedagogikanin` to`mendegi tarawlari kiredi. 1. Mektepke shekemgi balalardi ta`rbiyalaw mashqalalarin u`yrenetug`in mektepke shekemgi pedagogika. 2. Mektep jasindag`i balalardi ta`rbiyalaw, oqitiw xa`m mag`liwmatli etiw ma`selelerin u`yrenetug`in mektep pedagogikasi. 3. Ta`rbiya, oqitiw, mag`liwmat beriwdin` uliwma nizamli-liqlarin u`yrenetug`in uliwma pedagogika. 4.Arnawli pedagogika (defektologiya): a)Qulag`i esit-peytug`in geren` xa`m saqaw balalardi ta`rbiyalaw, oqitiw xa`m mag`liwmatli etiw ma`selelerin u`yrenetug`in surdopedagogika, b) Ko`zi ko`rmeytug`in xa`m ko`zi a`zzi balalardi ta`rbiyalaw, oqitiw, mag`liwmat beriw mashqalalarin u`yrenetug`in tiflopedagogika, v) Aqili kemis balalardi ta`rbiyalaw, oqitiw, mag`liwmat beriw ma`selelerin u`yrenetug`in oligofrenopedagogika, g) So`ylewi jaqsi rawajlanbag`an balalardi ta`rbiyalaw, oqitiw, mag`liwmat beriw ma`selelerin u`yrenetug`in logopediya. 5. Mekteptegi ayirim pa`nlerdi (ana tili, matematika, fizika, tariyx, geografiya x.t.b) oqitiw o`zgeshelikleri menen nizamliqlarin u`yrenetug`in jeke metodikalar. 6. Ta`rbiya xa`m pedagogika iliminin` payda boliwi menen rawajlaniwin u`yrenetug`in pedagogika tariyxi. 7. Etnikaliq topardin`, xaliqtin`, millettin` basqalarg`a qarag`anda bala ta`rbiyalawdag`i o`zine ta`n bolg`an o`zgesheliklerin u`yrenetug`in Etnopedagogika.