Adabiyotlar ro`yxatini rasmiylashtirish

2.5. “Kirish” bo`limi ustida ishlash 

 

 

BMIning  har  bir  tarkibiy  qismini  ishlab  chiqish  o`z  xususiyatlariga  ega.  “Kirish”da 

muammoning  umumiy  tavsifi,  ya’ni  ishning  mavzusi,  uning  ishlab  chiqilish  darajasi,  mavzu 

dolzarbligining  asoslanishi,  mavzu  bo`yicha  ishlanmalar  holatining  sharhi,  tadqiqot  metodlari 

bo`ladi.  BMI  metodikasi  kirishda  tavsiflanadi  va  mavzuning  dolzabligi  bilan  bog`liq  holda 

tanlanishi asoslanadi. Tadqiqotning ob’yekti, predmeti, maqsadi va vazifalari, metodlari, nazariy 

---

 

21 

va  empirik  asoslari,  uning  nazariy  yangiligi  va  amaliy  ahamiyati  belgilanadi.  Shuningdek, 

kirishda  tadqiqot  bazasi  ko`rsatiladi,  uning  bosqichlari  ochib  beriladi,  ish  tuzilmasi  taqdim 

etiladi, foydalanilgan adabiyotlar sharhlanadi. 

Kirishda  ishning tadqiqot ob’yekti va predmeti ko`rsatilishi zarur.  Ob’yekt va predmetni 

ifoda  etish  barcha  keyingi  tadqiqotlarning  mantiqini  va  umuman  yutug`ini  belgilaydi.Tadqiqot 

ob’yekti  –  o`rganish  uchun  tanlangan  jarayon  yoki  hodisa.  Predmet  esa  tanlangan  va 

o`rganiladigan  ob’yektning  tomonlaridan  birining  sifat tavsifidir.  Boshqacha  aytganda  tadqiqot 

predmeti  uning  mavzusini  belgilaydi,  shu  sababli  predmetnining  ifodasi  ko`pincha  mavzuga 

to`g`ri keladi va ular ma’nosiga ko`ra yaqin bo`lishi mumkin. 

 

Maqsad  tadqiqotning  yakuniy  natijasidan  iborat. Ishninmg  maqsadi  uni  amalga  oshirish 

uchun  qo`yilgan  vazifalarda  aniqlashtiriladi.  Maqsad  va  vazifalar  aniq  va  tushunarli  bo`lishi 

lozim. Buning uchun “o`rganish”, “qarab chiqish”, “belgilash”, “tahlil qilish”, “aloqalarni ochib 

berish”, “darajasini aniqlash” kabi fe’l shakllari va nutq iboralaridan foydalanish tavsiya etiladi. 

Vazifalarni tavsiflash muayyan izchillikda bo`lishi lozim.  

Kirish  oxirida  ishda  foydalanilgan  nazariy  va  amaliy  materiallarning  qisqacha  sharhi 

beriladi,  BMIning  tuzilmasi  (kirish,  boblar,  bandlar  soni,  xulosa,  adabiyotlar  ro`yxati,  ilovalar, 

ishning  hajmi)  bayon  qilinadi.  BMIning  bo`limlari  odatda  ish  vazifalarining  qo`yilish  tartibi 

bilan belgilanadi.