Adabiyotlar ro`yxatini rasmiylashtirish

 

 

 

 

 

 

 

 

 

 

 

 

 

 

 

 

 

 

 

 

 

 

 

 

---

 

17 

 

 

2- BOB. 

                                             

BITIRUV MALAKAVIY ISHNI YOZISH  

 

  2.1. BMI matnini bayon qilish tili va uslubiga talablar 

 

 

BMI ilmiy til bilan maxsus terminologiyadan foydalanilgan holda yozilishi kerak. Ishning 

matni quyidagi talablarga javob berishi lozim: 



 tuzilmaning aniq-ravshan bo`lishi; 



 izchillik va mantiqiylik; 



 keltirilgan ma’lumotlarning aniqligi; 



 bayon qilingan materiallarning tushunarliligi va ixchamligi; 



 materiallarni bayon qilishning adabiy o`zbek tiliga mosligi. 

BMIning  matnida  uslubning  bir  xilligiga  rioya  qilish  lozim.  So`zlashuv  nutqidagi  gap 

tuzilishlarini qo`llashga ham yo`l qo`yilmaydi. BMI uslubi obrazli taqqoslash, metafora, yorqin 

epitetlar (sifatlash), ritorik savollar va badiiy adabiyotning boshqa ifodali  vositalarini qo`llashni 

istisno qiladi.  

Oddiy  narsalarni  tavsiflash  uchun  murakkab  nomlardan  foydalanish  bayon  usulining 

muhim  kamchiligi  hisoblanadi.  Murakkablashgan  sintaksis  konstruksiyalar,  juda  uzun  ergash 

gaplardan foydalanishni ham usulning kamchiliklariga mansub, deb hisoblash lozim. 

 Darsliklarda  va  o`quv  qo`llanmalaridagi  olib  borilayotgan  tadqiqot  uchun  muhim 

axborot  bo`lmagan  qoidalarni,  qat’iy  baholar  va  mulohazalarni  takrorlamaslikka  harakat  qilish 

lozim.  Ilmiy  odob  doirasida  boshqa  mualliflarning  ishlarni  baholashdan  voz  kechish  tavsiya 

qilinadi.   

Terminologiyani  tanlashga  juda  e’tiborli  bo`lish  zarur.  Asosiy  terminlar  lug`atlarga 

havola  berish  bilan  ta’riflanishi  kerak.  Terminning  turlicha  talqinida  ish  muallifi  ma’lum  bir 

talqinni tanlanganligini asoslashi kerak. BMIda qabul qilingan terminlardan foydalanish ma’qul 

bo`ladi. 

Imkoni  boricha  xorijiy  so`zlardan,  agar  ular  hamma  yerda  qo`llanilmasa  yoki  tor 

terminologik  ahamiyatga  ega  bo`lmasa,  keragidan  ortiqcha  foydalanmaslik  lozim.  Xorijiy 

so`zlarni imkoni boricha o`zbek tilidagi sinonimlari bilan almashtirish maqsadga muvofiq. Ishni 

yozishda lug`atlarga tez-tez murojaat qilish lozim bo`ladi. Ammo, ta’kidlash lozimki, uzoq vaqt 

davomida  ilmiy  o`zbek  tilida  qo`llanilib  kelinayotgan  ayrim  terminlarni  o`zbek  tiliga  ag`darish 

ham samara bermaydi (masalan, geografiya, landshaft, kompleks, sistema va b.). 

BMI  matni  shaxssiz  (egasiz)  bo`lishi  lozim.  Ayniqsa  birlik  sondagi  birinchi  shaxs 

olmoshini qo`llashga mutlaqo yo`l qo`yib bo`lmaydi. Shu sababli majhul nisbatdan yoki shaxssiz 

so`zlardan foydalanish tavsiya qilinadi. Masalan, “ishonch bilan aytish mumkinki, …”, “…degan 

fikrga  qo`shilib  bo`lmaydi”,  “…hisoblash  mumkin”  va  h.k.  Mabodo  fikrning  shaxsiy  sajiyada 

ekanligini  qayd  qilish  zarur  bo`lsa,  ba’zi  joylarda  o`zini  muallif  deb  atashi  mumkin.  Masalan, 

“muallifning fikricha…”.   

BMI  matni  o`quv  uslubga  mos  holda  yoziladi.  Mazkur  uslub  o`quv  va  ilmiy  ishlarni 

yozishga juda to`g`ri keladi. U quyidagi me’yorlar bilan belgilanadi: 



 muallifning nuqtai nazari imkoni boricha kamroq ifodalanishi lozim. Birinchi shaxsdan 

yozmaslik  kerak,  “men”,  “mening  (fikrim)”  olmoshlari  bo`lmasligi  lozim.  Yaxshisi  o`zini  va 

oquvchini nazarda tutgan holda “biz”  deb yozish;  



  shaxsiy  olmoshlarni  “aylanib  o`tish”  foydali  va  “xulosa  qilish  mumkin”,  “aytish 

mumkin” va boshqa egasiz tuzilishlardan foydalanish;  

---

 

18 



 qat’iylikdan uzoqroq bo`lish, ”aftidan”, ‘bizning fikrimizcha” kabi tuzilishlarni ko`proq 

qo`llash; 



  imkoni  boricha  ilmiy  terminlarni  tez-tez  qo`llash.  Termin  birinchi  bor  qo`llanilganda 

uning ta’rifini berish. Ta’rif berishni iloji bo`lmasa, bu termindan foydalanmaslik kerak.