Adabiyoт uмuмiy o‘rтa тa’liм мakтablarining

O‘g‘il bola: – Bu korgahda xato kelmadi chu bir sari mo‘y,
                        Xato mening nazarimdandir, xato ko‘rsam.
Navoiy: –   Nokasu nojins avlodin kishi bo‘lsin debon
                   Chekma mehnatkim, latif o‘lmas kasofat olami.
                   Kim, kuchuk birla xo‘tikka necha qilsang tarbiyat,
                   It bo‘lur, dog‘i eshak, bo‘lmaslar aslo odami.
Qiz bola: – Ilmni kim vositai joh etar,
                    O‘ziniyu xalqini gumroh etar.

---

151
O‘g‘il  bola:  –  Xalqimiz  sho‘ro  zulmi  ostida  ezilgan,  milliy 
qadriyatlarimiz  toptalgan,  tilimiz  va  o‘zbekona  ruhimiz  g‘orat 
qilingan zamonda kurashchan shoiramiz Halima Xudoyberdiyeva 
o‘z armonlarini mana bunday dardli satrlarda ifoda etgan edi.
(Sahnaga H. Xudoyberdiyeva she’rini yoddan ifodali, ta’sirchan 
o‘qib bera oladigan qiz chiqadi.)
Qiz:
Ishonarkan ortdagiyu yondoshga, 
Ishonarkan begonayu qondoshga,
Boshim bilan urilarkan, voh, toshga, 
Orangizdan Navoiyni izlayman.
Yashnab-yashnamasdan, so‘lib-so‘lmasdan, 
Ketib borarkanman, o‘lib-o‘lmasdan,
Men o‘zimning kimligimni bilmasdan,
Orangizdan Navoiyni izlayman.
 
Dunyoning sir-sinoati ming turlik,
Birda xo‘rlik o‘ldiradi, bir ko‘rlik,
Navoiyni tug‘may, nechun, men sho‘rlik,
Orangizdan Navoiyni izlayman.
Ayting, ko‘p qoldimi yo oz ul kunga,
Qachon yetgum ul o‘g‘ilga, pok unga,
Yuzim bilan yiqilarkan oldinga,
Orangizdan Navoiyni izlayman.
Yursam, yurgum shu niyat har dam yoqib,
Ketsam ham umrim – shu yorug‘ g‘am yoqib,
Qabrimda ham tunlar turib, sham yoqib,
Orangizdan Navoiyni izlayman.

---

152
Qiz bola: –   Shukrki, istiqlol bizga barcha ma’naviy qadriyatla-
rimiz  qatori  Navoiy  bobomiz  merosini  ham  to‘liq,  emin-erkin 
o‘rganish, u kishi ijodini dunyoga dovrug‘ qilish imkonini berdi. 
Nafaqat  poytaxtimiz  Toshkent  va  ko‘plab  viloyat  markazlarida, 
balki Rossiyaning markazi Moskva shahrida, Ozarbayjon poytaxti 
Bokuda, Yaponiya va boshqa mamlakatlarda ulug‘ shoirimizning 
muhtasham haykallari qad rostladi.