Adabiyoт uмuмiy o‘rтa тa’liм мakтablarining

Navoiy (o‘rnidan turmagan holda ta’sirchan):
Ka’baki olamning o‘lub qiblasi,
Qadri yo‘q andoqki, ko‘ngil ka’basi.
O‘g‘il bola: – Shoir inson ko‘ngli obodligi, xotirjamligini ta’min-
lamoq xuddi millionlar tavof qiladigan Ka’bani obod aylamoq bilan 
teng savobli yumush ekanini ta’kidlaydi.

---

150
Navoiy (o‘rnidan turmagan holda ta’sirchan):
Kimki bir ko‘ngli buzug‘ning xotirin shod aylagay, 
Oncha borkim, Ka’ba vayron bo‘lsa, obod aylagay.
Qiz  bola:  –  Bugungi  globallashayotgan  dunyoda,  mol-dunyo, 
obro‘-amal talash olamda islomdek tinch va insonparvar din nomi 
bilan ish buzuqilik qilayotgan, ko‘plab odamlar, birinchi navbatda, 
musulmon ahli taqdiriga xavf solayotgan kimsalar, chin musulmon 
kim ekanini Navoiy bobomizdan so‘rasalar, chakki bo‘lmas edi.
Navoiy (o‘rnidan turib, ta’sirchan holda):
              Kim musulmonlig‘ aylasa da’vo,
              Chin ermas gar fido qilur jonlar.
              Ul musulmondururki, solimdur
              Tiliyu ilgidin musulmonlar.
(Sahnaga Navoiy g‘azallari bilan ijro etiluvchi biror qo‘shiqni 
kuylovchi  o‘quvchi  yoxud  o‘quvchilar  guruhi,  agar  iloji  bo‘lsa, 
tadbirga  taklif  etiladigan  san’atkor  chiqib,  mumtoz  qo‘shiq  ijro 
etadi. Buning imkoni bo‘lmasa, texnik uskuna yordamida shunday 
qo‘shiq qo‘yilib, o‘quvchi qizlar unga chiroyli raqs tushishadi.)
Qiz bola: – Hazrat Navoiy olam va odam haqida shu darajada 
chuqur,  ma’nosi  teran  misralar  yaratganki,  ularda  aks  etgan 
haqiqatlar zamonlar o‘tishi bilan ham abadiy o‘zgarmay qolaveradi.