Adabiyoт uмuмiy o‘rтa тa’liм мakтablarining

Boshlovchi yigit:
Endi o‘quvchi yoshlarimiz tomonidan yod olingan temuriyzoda 
shoir ruboiylaridan tinglasak.
(Mumtoz musiqa jo‘rligida to‘rt nafar o‘quvchi Bobur ruboiyla-
rini yoddan ifodali o‘qiydilar.) 
Boshlovchi qiz:
Mohir sarkarda 1525-yilda Hindistonni zabt etdi. Hind yurtini 
o‘zbekona mardlik, haqiqiy adolat bilan boshqarib, mamlakatning 
taraqqiyotiga, xalqning farovon turmush tarziga asos soldi. Valekin 
har dam, har nafas ona yurt sog‘inchi bilan yashadi.
Boshlovchi yigit:
Qalblarga cho‘g‘ solar Vatan sog‘inchi
Senda bor, menda bor Vatan sevinchi.
Lek Bobur benasib bunday sevinchdan
Hech kim his etolmas Bobur sog‘inchin.
(Mumtoz  musiqa  jo‘rligida  ikki  nafar  o‘quvchi  Bobur  g‘azal-
laridan namunalar o‘qiydi.)
Boshlovchi qiz:
Keldi navbat shijoat-u jasoratni ko‘rmoqqa
Keldi navbat mehr ila sadoqatni ko‘rmoqqa.
Yuzlarida sog‘inch bisyor 
G‘amnok Bobur – asl o‘g‘lon kelmoqda.
(Bobur Mirzo yetuklik yoshida, hazin qiyofada, salobat-la zarrin 

---

165
libosda sahnaga tashrif buyuradi. Muhammad Yusuf ijodidan “Bo-
bur nidosi”ni o‘qigan holatda.)
Toqatim toldi oqibat,
Taxtni yov oldi oqibat.
O‘z yurtim qoldi oqibat,
Afg‘on ketdim daryo kechib.
Omad kelar-ketar ekan,
Jon do‘sting ham sotar ekan.
Ortingdan tosh otar ekan,
Hayron ketdim daryo kechib.
Ikki ko‘zim elimdadur,
Cho‘g‘dek so‘zim tilimdadir.
Dilim yonib, dilimda bir.
Armon ketdim daryo kechib.
Yurtdan ayro adog‘ ko‘nglim,
G‘uboriga mushtoq ko‘nglim.
Yig‘lab bu kun bu shoh ko‘nglim,
Vayron, ketdim daryo kechib.
Bog‘ishamol sayr endi 
Qilg‘ay chiqib g‘ayir endi.
Boburing yo‘q, xayr endi,
Anjon, ketdim daryo kechib.
(Bobur siymosi “Kuygay” kuyi ostida sahnani asta tark etadi.)