Adabiyot fanidan namunali dars ishlanmasi

Darsning jihozi: darslik, tarqatma materiallar,multmedia ilovasi (kompyuter videoproektori, CD, DVD disklar), rag‘bat kartochkalari, ko‘rsatmali material taqdimoti

baholash: yakka va guruhiy

Darsning borishi: tashkiliy qism, uyga vazifani so‘rash, o‘tilgan mavzuni takrorlash, yangi mavzuning bayoni, mustahkamlash, baholash, uyga vazifa berish.

I.Darsni tashkil etish.

a) sinf xonasining tozaligiga e’tibor berish;

b) o‘quvchilar bilan salomlashish;

d) o‘quvchilarning darsga tayyorgarligini tekshirish;

e) o‘quvchilarni darsga jalb qilish va davomatni aniqlash.

Dars hikmat bilan boshlanadi: Anushervon bir kuni yunondan: -Eng yaxshi yashash qanday yashash?- deb so‘radi. –Salomat bo‘lish va xotirjam yashash eng yaxshi yashash,- deb javob berdi u va davom etib dedi:-Ammo yaxshi nom qoldirish abadiy yashashdir!

-Assalomu aleykum, qadrli o‘quvchilar. Barchaga salomat va xotirjam bo‘lishni, yaxshi nom qoldirishlik nasib etishini tilab darsimizni boshlaymiz. Adabiyot so‘zining ma’nosi odoblar yig‘indisi degan ma’noni bildirar ekan , bugun biz darsimizda yana bir odobni o‘rganamiz yoki o‘zimizda mavjud xislatimizni yanada mustahkamlaymiz.