Abu Ali ibn Sino nomidagi Buxoro tibbiyot instituti Ichki kasalliklar propedevtikasi kafеdrasi

O‘pkani solishtirma tukillatish. 
O‘pkani solishtirma tukillatish fizik, ya‘ni anatomik holatini 
aniqlash imkonini beradi. Bunda tukillatish mutlaqo bir xil sharoitda, qat‘iy aniq chegaralariga 
o‘tkazilishi kerak. Bunda goh kuchsiz (yuzaki), goh kuchli (chuqur) tukillatishni qo‘llash maqsadga 
muvofiq. Kuchsiz tukillatishda o‘pkadagi chuqur joylashgan o‘zgarishlar va aksincha kuchli 
tukillatishda – yuzaki joylashgan o‘choqlar topilmasligi mumkin.
Solishtirma tukillatish quyidagi tartibda olib boriladi: o‘pkaning uchi, oldingi yuzasi – qovurg‘alar 
oralig‘I tukillatiladi, yonbosh yuzasi (bemor qo‘lini ko‘tarib boshining ensa qismiga qo‘yishi kerak) 
va orqa yuzasi. Orqa tomondan tukillatish kurak usti qismidan boshlanadi,plessimetr – barmoq 
gorizontal holda qo‘yiladi, kuraklar o‘rtasini tukillatganda esa barmoq tik qo‘yiladi. Kurak 
burchagining pastki tomonini tukillatish qovurg‘alarga yondosh holda bajariladi, bunda barmoq 
gorizontal holatda qo‘yiladi. 
Solishtirma tukillatishda quyidagi alohida holatlarga ahamiyat berish kerak: 
1. O‘pkaning o‘ng uchidan chiqadigan tovush chapiga nisbatan birmuncha bo0‘g‘iqroq bo‘ladi. 
Bunga sabab yelka muskuli yaxshi rivojlanganligi va o‘ng o‘pka uchi chuqurroq joylashganligidir. 
2. Yurak yaqin joylashganligi sababli chap tomondagi II – III qovurg‘a oralig‘idagi tovush 
birmuncha qisqa bo‘ladi. 
3. Chap va o‘ng qo‘ltiq osti qismida ham farq bor: jigar yaqin joylashganligi uchun o‘ng tomondagi 
tovush bo‘g‘iqroq, me‘daga yaqin joylashganligi sababli chap tomondagi tovush timpanik turga 
yaqin. 
4. Havoli o‘pka to‘qimasining qalinligiga qarab o‘pkaning yuqori qismidagi tovush pastki 
qismidagiga qaraganda qisqaroq va pastroq bo‘ladi.