Абишов Мухаммед Сарсенбаевич, Abishov Muxammed Sarsenbaevich

Давр харажатлари
Сотиш харажатлари				Маъмурий харажатлар				Бошқа муомалаларнинг харажатлари

1-расм. Корхоналар давр харажатлари таркиби⁵

Давр харажатлари турларига қараб 9400 - «Давр харажатлари ҳисоби счётлари»да акс эттирилиб борилади. Аудитор давр харажатларининг шаклланиши ва «Якуний молиявий натижа» счётига тўғри олиб борилганлигини қуйидаги счётлар орқали текширади:

9410 - «Сотиш харажатлари»;
9420 - «Маъмурий харажатлар»;
9430 - «Бошқа муомалалар харажатлари»;
9450 - «Ёрдамчи хўжаликлар» ва бошқа счётлар.
Ушбу счётларнинг дебетидаги ёзувлар давр харажатларининг шаклланишини билдиради. Аудитор давр харажатларининг шаклланишини 5110, 6010, 4210, 6710, 5010, 6520, 0200, 1310, 6890, 9210, 6410 ва бошқа счётлардаги ёзувлар (ушбу счётларнинг кредитидаги ёзувлар) орқали текширади. Ой тугагандан сўнг барча давр харажатлари 9900 - «Якуний молиявий натижа» счётига ўтказилган бўлади (давр харажатларини ҳисобга олиб борувчи счётларда қолдиқ қолмайди). Аудит жараёнида давр харажатлари алоҳида моддалари бўйича текширилиб маълум хулосаларга келинади.
Корхонанинг молиявий фаолиятидан келиб чиқадиган харажатлари фоиз кўринишидаги харажатлар, курс фарқларидаги зарарлар ҳамда бошқа турдаги молиявий фаолият харажатларидан иборат. Аудитор ушбу харажатларнинг тўғрилигини 9600-»Молиявий фаолият бўйича харажатлар ҳисоби счётлари» орқали текширади. Мазкур счёт 6820, 7510, 6920, 5210, 0610, 4620 ва бошқа счётлар билан корреспонденцияда бўлиб, ой оҳирида 9900 - «Якуний молиявий натижа» счёти билан ёпилади. Аудитор ушбу счётлардаги ёзувларнинг қонун талабларига мос келиш-келмаслигини текширади.
Тавсия этилаётган кетма-кетликда ўтказиладиган харажатлар аудити натижалари аудиторлик ҳисоботи ва хулосасига киритилади (2-расм):