Abdullayeva Zumradxonning " Boshlang’ich jismoniy ta’lim va amaliyoti"

Boshlang’ich ta’lim 1-19 guruh talabasi

Abdullayeva Zumradxonning

“Boshlang’ich jismoniy ta’lim va amaliyoti” fanidan “Bolalar futboli” mavzusida tayyorlagan

Mustaqil ishi


O’qituvchi: O.Parpiyev


Qo’qon-2020

Bolalar futboli.

Bolalar futboli-huddi kattalarnikidek qonun qoidalarga ega o’yin turi bo’lib, farqi o’yin davomiyligi va maydon hajmi kamroqligi bo’ladi. Bolalar futboli terma jamoalarga umidli yoshlarni yetishtirish bilan shug’ullanadi.

Bilamizki bolalarda ayniqsa o’gil bolalarda futbolga qiziqishi yuqori bo’ladi va ular yoshligidanoq futbol yulduzi bo’lishni orzu qiladilar.

Bir oy ichida O‘zbekistonda bolalar va o‘smirlar futbolini rivojlantirish bo‘yicha 6 yillik dastur ishlab chiqiladi. Bu haqda O‘zbekiston Respublikasi Jismoniy tarbiya va sport davlat qo‘mitasi hamda O‘zbekiston Futbol Federatsiyasining «Bolalar va o‘smirlar futbolini rivojlantirish to‘g‘risida»gi qo‘shma qarori keltirib o‘tilgan. Qaror matni O‘FF rasmiy saytida e'lon qilingan.

Qo‘shma qarorga ko‘ra, Qoraqalpog‘iston Respublikasi, viloyatlar va Toshkent shahridagi tasarrufiyligidan qat'iy nazar barcha futbol bo‘yicha davlat ixtisoslashtirilgan maktab-internatlari, Futbol klublari qoshidagi akademiyalar va Olimpiya zaxiralari kollejlari hamda barcha sport maktablari faoliyatini o‘rganish bo‘yicha maxsus Ishchi guruhi tuziladi. Guruhga bir oy muddatda Qoraqalpog‘iston Respublikasi, viloyatlar va Toshkent shahridagi futbol maktablari faoliyatini o‘rganish natijalari asosida O‘zbekiston Respublikasi Jismoniy tarbiya va sport davlat qo‘mitasi O‘zbekiston Futbol Federatsiyasi bilan birgalikda bolalar va o‘smirlar futbolini rivojlantirish bo‘yicha 2018–2023 yillarga mo‘ljallangan Dastur ishlab chiqish vazifasi yuklatilgan.

Dasturni bajarilish holatini har chorak yakuni bo‘yicha O‘zbekiston Respublikasi Jismoniy tarbiya va sport davlat qo‘mitasi hamda O‘zbekiston Futbol Federatsiyasining qo‘shma yig‘ilishlarida dastur bo‘limlariga mas'ul rahbarlarning hisobotlari muhokama qilib borilishi va tegishli choralar ko‘rilishi belgilab qo‘yilgan.

Qarorda futbolga ixtisoslashtirilgan ta'lim muassasalariga iqtidorli yosh futbolchilarni tanlab olish sifatini, xolisligini hamda shaffofligini ta'minlash maqsadida qabul jarayonida o‘tkaziladigan imtihon, sinov komissiyasi tarkibiga O‘zbekiston Futbol Federatsiyasi tomonidan tavsiya etilgan mutaxassislarning kiritilishi ta'minlanishi ko‘rsatib o‘tilgan. Endi aynan O‘FF tavsiya qilgan mutaxassis har bir maktabning qabul jarayonlarida ishtirok etadi.

Shuningdek futbolga ixtisoslashtirilgan ta'lim muassasalariga rahbar-kadrlar va murabbiylarni tayinlash hamda vazifasidan ozod etish komissiyasi tarkibiga O‘zbekiston Futbol Federatsiyasi mas'ul xodimi kiritiladi. Natijada maktab, internat va akademiyalarda kuzatilishi mumkin bo‘lgan o‘zgarishlardan O‘FF bevosita xabardor bo‘lib turadi va buni nazoratga olishi mumkin bo‘ladi.

Qarorda futbolga ixtisoslashtirilgan ta'lim muassasalarida shug‘ullanuvchi bolalar va o‘smirlarga tegishli bo‘lgan ma'lumot va ko‘rsatkichlari to‘plangan yagona elektron bazasini yaratilishi ham alohida band sifatida ko‘rsatib o‘tilgan. Unga ko‘ra, har o‘sib kelayotgan yosh futbolchi haqida kerakli ma'lumotlarni olish imkoniyati yaratiladi.

Bundan tashqari qo‘shma qarorda respublikada quriladigan futbol sport inshootlarini loyihalashtirish, qurilish obektlarini topshirish jarayonlarida O‘FFning ishtirokini ta'minlash, o‘smir va futbolchilar ishtirokidagi musobaqalarni Jismoniy tarbiya va sport davlat qo‘mitasining yillik taqvimiga kiritish, Jismoniy tarbiya instituti tomonidan futbolga ixtisoslashtirilgan ta'lim muassasalariga zarur bo‘lgan o‘quv-metodik ko‘llanmalar va tavsiyalarni ishlab chiqish kabi vazifalar ham belgilab olingan.

«Bolalar va o‘smirlar futbolini rivojlantirish to‘g‘risida»gi qo‘shma qaror O‘zbekiston Respublikasi Jismoniy tarbiya va sport davlat qo‘mitasi raisi Rustam Qurbonov hamda O‘zbekiston Futbol Federatsiyasi Prezidenti Umid Ahmadjonov tomonidan imzolangan.