Abdullayev sayfulla fayzullayevich azimov sanjar samadovich avezov sherali naimovich

Yuqori sinflarda tabaqalashtirib o‘qitishning pedagogik maqsadga muvofiqligi

Umumiy o‗rta ta‘lim maktabining yuqori sinflarida ta‘limni tabaqalashtirishni qator pedagogik - psixologik fikr - mulohazalar bilan asoslash mumkin. Ularning eng muhimlari quyidagilardan iborat.

Hozirgi zamon fanining rivojlanishi ilmiy tizimlar hajmining o‗sishiga, fundamental tushunchalarning paydo bo‗lishiga, yangi bilimlar sohasining vujudga kelishiga olib keldi. Kashfiyotlarning eng muhimlari ta‘lim sohasiga kirib keldi.

Hozirgi zamon fanining eng muxim xarakterli xususiyatlaridan biri bu eng yangi ilmiy kashfiyotlarni ishlab chiqarishga tez joriy qilinishidir. Bu esa maktab dasturlarida o‗quv materiali hajmining uzluksiz oshishiga olib keladi. Uning o‗sish sur‘ati hamma vaqt oshib boradi.

Barchaga ma‘lumki, qiziqarli mehnat bilan shug‗ullanish nafaqat kishini charchatmaydi, balki ko‗p hollarda dam olish uchun xizmat qiladi. Eksperiment natijasiga ko‗ra o‗quvchilarni qiziqishlari bo‗yicha guruhlagan holda ularning nafaqat o‗zlari qiziqqan predmetlar bo‗yicha, balki boshqa barcha predmetlar bo‗yicha ham bilimlar sifatining oshishiga erishildi.

Ta‘limni tabaqalashtirish, ayniqsa, yuksak qobiliyat namoyon qiluvchi talabalarni aniqlash va to‗liq rivojlantirish uchun juda zarur.