Abdulla qodiriy nomidagi jizzax davlat pedagogika instituti tabiiy fanlar fakulteti

Yevropa parklari va rezervasiyalari
Buyuk Britaniya milliy parklari davlat mulki hisoblanadi. Ularga Lake District, Peak Distrikt va Yorkshire Dales ni kiritish mumkin. Uelsdagi Snowdoniya va Brecon Beacons parklari o’z ichiga minglab akr (akr - Angliya va Shimoliy Amerikada 0,4047 gektarga teng er o’lchovi) tepaliklar, ko’llar, o’rmonlarni oladi. Shotlandiyadagi eng katta park Cairngorm National Nature Reserve Britan orollarida joylashgan. Uning hududida noyob turdagi flora va faunaga ega bo’lgan 64000 akr (26000 gektar) er egallangan. Cairngorm Mountains - Britan orollaridagi eng baland tog’ hisoblanadi.
Shveysariyaning Alpdagi milliy parki 42000 akr (17000 gektar) hududni egallagan. Alp tog’idagi boshqa katta park Italiyaga tegishli - Gran Paradiso dir. Fransiyaning eng katta milliy parki - La Vanoise deb nomlangan. 1969 - yil g’arbiy Germaniya 2 ta milliy parkni e’lon qilgan - Berchtesgaden va Bavarian Forest. Ushbu 2 ta yirik parkka qo’shimcha ravishda Germaniya qonun bilan himoya qilinuvchi rezervasiya yoki qo’riqxona xarakteridagi 80 ga yaqin parklarga ega. Yevropa xalqaro parklari 1969 - yil e’lon qilina boshlangan bo’lib, ulardan birinchisi Luksemburg va Germaniya hududida tashkil etilgan parklar hisoblanadi.
Lotin Amerikasi milliy parklari
Lotin Amerikasida parklar tabiatni dastlabki ko’rinishida saqlash va vahshiyona ekspluatasiyadan himoya qilish maqsadida tashkil etilgan. Ulardan eng birinchilari qatorida 1934 - yil bunyod etilgan Galapagos orollaridagi (Ekvador) parki bo’lib, unda toshbaqalarning noyob turlari, shuningdek, suvda va quruqlikda yashovchi boshqa jonivorlar mavjud. Juan Fernandez oroli Chiliga tegishli milliy parkdir. Argentina Nahuel Huapi milliy parki chiroyli ko’llar bilan bir qatorda And tog’ tizmasining etagida 2 million akr hudud (800000 gektar)ni egallaydi. Dunyoda tengi yo’q Iguasu (Iguazu) sharsharasi ham Argentino - Braziliya chegarasidagi qo’riqlanuvchi hudud, - deb e’lon qilingan. Braziliyadagi Rio de Janeiro dan uncha uzoqda bo’lmagan Organ Mountains National Park 1939 - yili ishga tushurilgan. Meksikada ham juda ko’p milliy parklar mavjud, ulardan mashhurlari Guerrero shtatidagi Cacahuamilpa g’ori, Michoacan tog’i va boshqalar. Rezervasiyalarga tarixiy qishloqlar ham kiritilgan. Masalan, Taxco va San Miguel de Allende - ispan mustamlaka me’morchiligini saqlab qolgan milliy yodgorliklar, shular jumlasidandir. Venesuela milliy parki - Canaima dunyodagi eng baland sharshara Angel Falls bilan mashhurdir.