Abdulla qodiriy nomidagi jizzax davlat pedagogika instituti tabiiy fanlar fakulteti

Nurota qo’riqxonasi Nurota tog’larining markaziy qismida 400-2000 m. mutloq balandliklarda joylashgan bo’lib, uning maydoni 22135 gektar. Qo’riqxona iqlimi kontenental, qishda harorat -2 °S gacha tuShub ketadi. Yozda esa harorat +15°S gacha ko’tariladi. Yillik o’rtacha harorat +15°S. Hududdagi yillik yog’inlar miqdori 250-550 mm. ni tashkil qiladi. Nurota qo’riqxonasi tog’ va to’qay landshaftidagi qushlar va hayvonlarni muhofaza qilish maqsadida tashkil etilgan. Hududda bodom, yong’oq, archa o’sadi, qushlardan qirg’iy, burgut kabi noyob qushlar mavjud. Sut emizuvchilardan Qizilqum qo’yi ko’p uchraydi.
Chotqol qo’riqxonasi O’zbekistonda, G’arbiy Tyanshanning Chotqol tizmasida joylashgan bo’lib, uning maydoni 35 ming gektar. Qo’riqxona iqlimi kontinental, qishi esa o’rtacha sovuq. Qishda harorat -15 °S gacha tushib ketadi. Yozda esa harorat +25°S gacha ko’tariladi. Hududdagi yillik yog’inlar miqdori 700-900 mm. ni tashkil qiladi. CHotqol qo’riqxonasi tog’ landshaftidagi qushlar va hayvonlarni muhofaza qilish maqsadida tashkil etilgan. Hududda sut emizuvchilardan Tog’ echkisi, bug’u, oq tirnoqli ayiq ko’p uchraydi. Qo’riqxonada mingdan ortiq o’simlik turi bor.
Hisor qo’riqxonasi Xisor tizmasining g’arbiy yon bag’irlarida joylashgan bo’lib, uning maydoni 873995 gektar. Qo’riqxona iqlimi mo’’tadil, yozi issiq va quriq, qishi esa o’rtacha sovuq. Yillik o’rtacha harorat +14°S bo’lib, qishda harorat -5 °S gacha tushib ketadi. Yozda esa harorat +25-28°S gacha ko’tariladi, ba’zan undan ham yuqori bo’ladi. Hududdagi yillik yog’inlar miqdori 100-150 mm. ni tashkil qiladi. Xisor qo’riqxonasi tog’ landshaftidagi o’simliklar, qushlar va hayvonlarni muhofaza qilish maqsadida tashkil etilgan. Hududda qushlardan burgut, kaklik kabi noyob qushlar mavjud. Sut emizuvchilardan oq tirnoqli ayiq, silovsin, qor qoploni, to’ng’iz ko’p uchraydi. O’simliklardan archa, tog’ pistasi, bodom, yong’oq o’sadi.
Qizilqum qo’riqxonasi Amudaryo o’rta oqimining o’ng sohilida joylashgan bo’lib, uning maydoni 3,9 ming gektar. Qo’riqxona iqlimi keskin kontinental, quruq. Qishi esa o’rtacha sovuq. Qishda harorat -5 °S gacha tushib ketadi. Yozda esa harorat +25-29°S gacha ko’tariladi, ba’zan undan ham yuqori bo’ladi. Hududdagi yillik yog’inlar miqdori 8-100 mm. ni tashkil qiladi. Qizilqum qo’riqxonasi cho’l landshaftidagi qushlar va hayvonlarni muhofaza qilish maqsadida tashkil etilgan. Hududda qushlardan Amudaryo qirg’ovuli, kalxat, o’rdaklar mavjud. Sut emizuvchilardan Buxoro bug’usi, xongul ko’p uchraydi.