Abdulla qodiriy nomidagi jizzax davlat pedagogika instituti mavlonov bahodir arziqulovich

IKKINCHI BOB BO‘YICHA XULOSA
O‘rganilgan ilmiy, pedagogik va metodik manbalar shundan dalolat beradiki, boshlang‘ich ta’lim tizimiga integrativ yondashuv muammosi o‘ta dolzarb muammo bo‘lib, bu borada bir qator ishlar olib borilmoqda. Mazkur tadqiqot ishida ham intelektuallashtirish vositalari asosidagi ta’lim samaradorligini oshirish negizida bo‘lajak o‘qituvchilarni tayyorlashning pedagogik ta’lim bosqichlarini ilmiy-metodik jihatdan asoslash masalasi qaraldi.

Nazariy ma’lumotlar bilan bir qatorda ko‘plab metodik manbalarda bir talay darslar ishlanmasi e’lon qilinib, unda turli fanlarga, turli mavzularga murojaat qilinmoqda. Integratsiyaning asosini fanlararo aloqadorlik tashkil etadi va o‘zining rivojini integratsiya g‘oyasida topdi. Integrativ mazmunga ega bo‘lgan predmetlarni o‘rganish bo‘lajak mutaxassislar bilimi, ish uslublari, shaxsiy fazilatlari yaxlit, bir butunligini ta’minlovchi omil sifatida qaraladi.

Ta’limda integratsiyani amalga oshirishga doir tegishli uslubiy tavsiyalarni ishlab chiqish va uni amaliyotga tadbiq etish bugungi kunning muhim pedagogik muammolaridan biridir.

83