Абдулхолиқ Ғиждувоний ва баҳоуддин нақшбанд етти пир занжирлари

---

 АБДУЛХОЛИҚ ҒИЖДУВОНИЙ ВА БАҲОУДДИН НАҚШБАНД 
ЕТТИ ПИР ЗАНЖИРЛАРИ 
 
Шамга ўхшагин, токи ҳаммага равшанлик бағишла, ўзинг эса қоронғида бўл… Ҳою ҳавас 
ва нафс аҳллари тутган ишлар асосининг барчаси залолат (адашув)дан иборатдир…
Баҳоуддин Нақшбанд
 
 
 
БухДу ўқитувчиси 
Б.Б.Деҳқонов 
ЮНЕСКО Бош конференциясининг 31-сессияси ташаббусини қўллаб,
Ўзбекистон Республикаси Вазирлар Маҳкамаси 2002 йил 4 декабрда 423-
сонли ҳамда вилоят ҳокимлиги 2002 йил 23 декабрда 127-сонли «Абдулхолиқ 
Ғиждувонийнинг 900 йиллигини нишонлаш тўғрисида
» 
қарор қабул қилди. 
Бу қарор асосида Абдулхолиқ Ғиждувоний таълимотини чуқур, ҳар 
томонлама ўрганиш бошланди. 
Президентимиз Шавкат Мирзиѐевнинг ташаббуслари билан 2018 йил 
сентябр, октябр ойларида бу зотларнинг яъни,Абдулхолиқ Ғиждувонийнинг 
915,Баҳоуддин Нақшбанднинг 700 йиллик юбилейлари тантанали равишда 
ўтказилиши бу бизнинг буюк сиймоларимизга бўлаѐтган юксак ҳурмат ва 
эҳтиром намунасидир. 
Хожа Абдулхолиқ Ғиждувоний (1103-1179) буюк мутасаввуф хожагон 
тариқатининг асосчиси, соҳиб каромат авлиѐ, Хўжаи Жаҳон номи билан 
ислом дунѐсида машҳурдирлар. "Хўжаи Жаҳон" ўзбекчада "Жаҳон Хўжаси" 
мазмунини беради. Ул зоти бобаракотнинг падари бузрукворлари Имом 
Молик 
(713-795) 
авлодларидан 
бўлиб, 
исми 
шарифлари 
Имом 
Абдулжамилдир. Волидаи муҳтарамалари подшоҳ авлодидан бўлганлар.
 
Хожаи Жаҳон Бухоро вилоятининг Ғиждувон шаҳрида туғилиб, шу 
ерда вафот этганлар. 2003 йилда ушбу кўҳна ва навқирон шаҳарда шарқ 
оламининг мутафаккири Хожа Абдулхолиқ Ғиждувоний таваллудининг 900 
йиллик тўйи нишонланди. 
Хожаи Жаҳон мўътабар китобларда "шайхушшуюх" (шайхлар шайхи) 
унвони билан таърифланадилар. Бундай унвон Абдураҳмон Жомий ва 
Алишер Навоий томонидан Хўжа Юсуф Ҳамадоний, Хўжа Аҳмад Яссавий, 
Хўжа Абдулхолиқ Ғиждувоний каби пирларга нисбатангина қўлланилган. 
Хожа Абдулхолиқ Ғиждувоний Ҳазрат Хизр Алайҳиссалом, Юсуф 
Ҳамадоний, Имом Садриддин, Ниѐз Хоразмий (Бобойи Лақлақаги)лардан 
таълим олганлар. Бу зот Ҳазрати Хизрнинг