Abadiy quyosh botishi

Soxtalashtirib o’z nomidan tarqatish ta’qiqlanadi. Qonuniy jazo muqarrar va Allohning o’zi 
kifoya qilsin! 
- Sen nima taklif qilmoqchisan, Bagirra? – Jeykob sabrsizlik bilan stulga o'tirdi 
– urush uchun ular bilan yuzlashishnimi? 
Agar  sizlar  Volturiyga  qarshi  jangga  boradigan  bo'lsangiz,  unda  barchangiz 
muqarrar  ravishda  o'lasiz.  Men  ham  bu  jangga  tayyor  emasman.  Mening  rejalarim 
Volturiylarning barcha klanini yo'q qilishni o'z ichiga oladi. Lekin hozir menda vaqt 
yo'q. Agar  men ketsam, unda sizlar halok bo'lasiz. Men bunga yo'l qo'yolmayman. 
Ular mendan kuchliroq, ammo men tavakkal qilishga tayyorman. Kutish uchun vaqt 
yo'q, shunchaki yo’q. 
-  Nima  qilishni  taklif  qilasan?  Jasper  Bagirraga  katta  qiziqish  bilan  nazar 
tashladi. 
-  Men  sizlarni  yashiraman  va  o'zim  Italiyaga  borib,  nima  bo'lishini  bilib 
olaman.  Umid  qilamanki  ,  mening  kuchim  va  ko'nikmalarim  ishni  tugatish  uchun 
yetarli bo’ladi. 
-  Ammo  bu  aqlsizlik!  –  Karlayl  stoldan  turdi  –  Bagirra!  Bagirra,  biz  sening 
o'lishingizga yo'l qo'ymaymiz, seni xavfga qo’yolmaymiz. Bu adolatdan emas. 
-  Ha!  Biz  ham  kurashamiz!  Hamda  buni  Volturiylarga  isbotlab  qo’yamiz! 
Emmet  sabrsizlik  bilan  mushtlarini  tuga  boshladi.  Uning  ko'zlarida  hayajon 
alangalanib turardi. 
Volturiylar bilan jang qilishimiz kerak, degan fikrdan dahshatga tushdim. 
- Yo'q. – Bagirra yordam berish istagini qattiq to'xtatdi – Ellis. Ularga ayt! 
Ellis ko'zlarini yumdi va sekin gapira boshladi – Ha. U haq, agar biz jangga 
kirsak, hammamiz o'lamiz. Volturiylar haqiqatan ham juda kuchli. 
- Men bunga yo'l qo'ymayman! – Bagirraning nigohi jiddiy va tahlikali bo'lib 
qoldi – Bitta begunoh oila azob chekdi… Endi bunday bo'lmasligi kerak. Barchangiz 
birgalikda baxtli do'stona oilasiz. Bu dunyoda yo'qotadigan hech narsam yo'q. Meni 
bu dunyoda faqat qasos uchun tashnalik ushlab turibdi. Volturiylarning yo'q qilinishi 
bilan mening vazifam o’z nihoyasiga yetadi. Oilam yo’q bo’lganidan beri men hech 
qachon  baxtli  hayot  kechira  olmadim.  Yigirma  yil  davomida  mening  ruhim  azob 
chekdi  va  halovat  izlab  yashadim.  Endi  o’sha  on  keldi.  Nessi  bilan  uchrashish 
chog'ida  bitta  yorqin  shu’la  qalbimni  yoritdi  –  u  muloyimlik  bilan  Renesmining 
boshini silab qo'ydi – Agar u xursand bo'lsa, men behuda o'lmagan bo’laman, sizlar 
men boshlagan ishni tugatasiz va omon qolgan Volturiylarni ham qirib tashlaysiz. 
- Bagirra, biz uchun o'z hayotingni qurbon qilishga tayyormisan? Karlayl unga 
iliq, mehrli ko'zlari bilan qaradi. 
Karlayl,  ishon,  bu  qurbonlik  bejizga  bo'lmaydi.  Men  hech  qachon  oilamni 
qaytarib  ololmayman,  lekin  men  sening  oilangni  qutqara  olaman,  Renesmining 
hayotini  asrab  qola  olaman.  U  ikkalamiz  uchun  ham  yashasin  –  u  ochiq  derazaga 
qayg’u bilan nikohini yugirtirdi. 

---

@Sumerki_Twilight_Zulmat_ostonasi  // Abduqodir Toshpo’latov 
 
Soxtalashtirib o’z nomidan tarqatish ta’qiqlanadi. Qonuniy jazo muqarrar va Allohning o’zi 
kifoya qilsin! 
-  Sen  bularning  barchasini  qanday  qilmoqchisan?  –  Edvard  Bagirraning 
ko'zlariga diqqat bilan tikilib, savoliga javobni o’qib olishga harakat qilardi. 
Yaxshiyamki, Aro mening qobiliyatlarimning yuzdan bir qismini biladi, xolos. 
Men  ushbu  ustunlikdan  foydalanmoqchiman.  Ertaga  sizga  batafsil  aytib  beraman. 
Hozir esa o’zi yarim tun bo’ldi. Taxminan, ikki oydan beri uxlamayman. Jang oldidan 
kuch to’plab olishim kerak. Shunday qilib, men biroz uxlab, charchog’imni yozay. – 
Bu so'zlarni ayta turib charchoqdan esnay boshladi va Renesmini yerga qo'yib, o’zi 
joyidan turdi. 
-  Bugun  siz  bilan  uxlasam  bo'ladimi?  Renesmi  bu  so’zlarni  qo’ng’iroqdek 
muloyim ovozda aytdi. U kamdan-kam gapirardi. Bu savolni berish uchun unga bitta 
teginish  kifoya  qildi.  Bagirra  qizimga  shunday  ixlos  bilan  qaradiki,  men  qarshilik 
ko'rsata olmadim. 
-  Albatta,  azizam!  Tabiiyki,  agar  ota-onang  bunga  qarshi  bo'lishmasa.  –  U 
Edvard va menga navbatma-navbat nazar tashladi. 
Edvard mening ko'zlarimga tikildi. Javobini ifoda etish uchun unga so'z kerak 
emas edi. Ushbu suhbatdan oldin ham u mehmonimizning yaxshi niyatda ekanligiga 
amin edi. Men Bagirraning ko'zlariga tikildim – u allaqachon javobni aniq bilar edi – 
Ha, albatta, Bagirra. O'ylaymanki, bizning qizimiz sen bilan xavfsiz bo'ladi. 
Bagirra  salgina  bosh  irg'adi,  keyin  Renesimni  qo’liga  oldi  va  asta  chiroyli 
tarzda zinapoyadan o'z xonasiga ko'tarila boshladi. 
- Bagirra! – Men u deyarli  yuqoriga ko’tarilib bo’lganda chorladim – Xayrli 
tun! 
- Rahmat Bella! Xavotir olma, hammasi yaxshi bo'ladi! – uning yuzi samimiy 
mehr ila jilmaydi. 
U, albatta, mening fiklarimni o'qigandi. Emmet va Jasper uning eshigi oldida 
ketma-ket  navbatchilik  qilishga  qaror  qilishdi,  lekin  men  qizimdan  xotirjam  edim. 
Ehtimol, u hozir Bagirraning qo'lida – eng xavfsiz joydadir. Agar Volturiylar kelsa, 
Bagirra Renesmi uchun hatto o'ylamasdan ham jonini berishga tayyorligini bilardim. 
Bagirraning  qobiliyatlari  va  kuchini  hisobga  olgan  holda,  bu  omon  qolish  uchun 
haqiqiy imkoniyat edi. 
Oldimizda uzoq tun kutib turardi. O'ylash va muhokama qilish uchun juda ko'p 
narsalar bor, lekin men xotirjam edim. Mening ongimda, Bagirra uyimiz va mening 
ruhimga tinchlik olib kEllishi va, nihoyat, meni uzoq vaqtdan beri ta'qib qilib kelgan 
barcha baxtsizliklarga chek qo'yishiga ishonch hissi paydo bo’ldi.