A. X. Sulliyev, I. M. Bedritskiy, O. T. Boltayev

Izolyatsiyani namlikdan himoya qilish. Shimdirish usulida izolyatsiya bo’shliqlari gigroskopik bo’lmagan yoki kam gigroskopik qattiq yoki suyuq dielektrik bilan to’latiladi. Shimdirilgan materiallarga avvaliga nam singmay, ma’lum vaqt o’tgandan so’ng bu xossa yomonlasha boradi. Ba’zi shimdirilgan materiallar o’ziga nam olmaydi. Masalan, shimdirilgan marmarda  qiymati uzoq vaqt o’zgarmay turadi. Tolali shimdirilgan material (qog’oz, karton, mato sellyuloza) larda esa  qiymati asta-sekin pasaya boradi. Shimdirilmagandagi kabi shimdirilgan qalin qog’oz (karton) da ham namlik materialga asta-sekin singib boradi va ma’lum vaqtdan so’ng W qiymati ikkala qog’ozda deyarli bir xil qiymatga ega bo’ladi. Havo bo’shliqlari bo’lgan va shimdirilgan matolar qisqa muddatli namlikka bardoshli bo’lib, ularda E_t qiymati quruq shimdirilgan materillarga nisbatan yuqori bo’ladi.

Izolyatsiya harakteristikasini o’zgartirmasdan saqlash va namlik ta’sirini kamaytirish maqsadida shimdirish usulidan tashqari, loklash usulidan ham foydalaniladi. Bunda, shimdirilgan jism qalinligi 0,1-0,2 mm li lok qatlami bilan qoplanadi. Lekin bu usul namlik 80% dan ortganda o’zini oqlamaydi.

Bundan tashqari, siqish usuli yordamida mahsulot yuzasi qalinligi 1-2 mm bo’lgan plastmassa qoplamasi bilan qoplanadi. Bunday qoplamaning mexanik harakteristikalari lok qoplama mexanik mustahkamligidan ancha yuqori bo’ladi. So’nggi usul mahsulotning havo namligi 90% gacha bo’lgan hollarda ishonchli himoya qiladi.

Mahsulot yuzasini qoplash usullaridan biri ishlov beriladigan yuzaga tayyorlangan kompaund quyish usulidir. Bunda detalning tashqi qismiga mos qilib maxsus qolip yasaladi va unga suyuq holdagi plastmassa to’ldiriladi. Masalan, epoksid smolasidan tayyorlangan qoplamaning qalinligi 10-20 mm qilib olinadi. Mahsulot suyultirilgan kompaundga botirib olinadi. Bu usul dielektriklarni 95% gacha namlik ta’siridan himoya qiladi.

Barcha hollarda ham jismni namlikdan himoya qilishda organik materiallar qo’llaniladi. Bu materiallar gigroskopik xususiyatga ega bo’lgani uchun o’zidan

namlikni o’tkazadi. Istalgan organik dielektrik qandaydir miqdorda nam singdiruvchanlikka ega.

Ba’zi organik dielektriklar uchun nam singdirish koeffitsienti quyidagichadir: Parafin 510^-10 s

Polietilen 310^-10 s

Epoksid smolasi 510^-9 s

Neftli bitum 110^-8 s

Dielektrikni namlikdan ishonchli himoya qilish maqsadida bosim ostida quyish usuli qo’llaniladi. Chunki bu usulda olinadigan qoplamaning qalinligi katta qiymatga ega bo’ladi va mahsulotni namlikdan yaxshi himoya qiladi. Agarda himoya qoplamasida darz yoki yemirilish sodir bo’lsa, namlik qoplama ichiga tezda kirib boradi.

Vakuumda zichlash usulida himoya qilinadigan mahsulot metall qobiqqa joylashtiriladi va qopqoq bilan kavsharlanadi. Metall qoplama dielektrikni namdan a’lo darajada himoya qiladi.

Qog’oz izolyatsiyali yuqori kuchlanishli kabellarni namdan muhofaza qiladigan himoya qoplamasi sifatida izolyatsiya yuzasiga uzluksiz qoplanadigan metall (qo’rg’oshin, alyuminiy, po’lat) qoplama ishlatiladi. Bu qoplamalar izolyatsiya yuzasiga maxsus presslarda qoplanadi. Elektr mashinalarining izolyatsiyasi namlik ta’siridan loklash, shimdirish va kompaund quyish usullari orqali himoya qilinadi. Uzluksiz ishlaydigan elektr mashinasi namlikka chidamli bo’ladi. Bu mashinaning muttasil ish mobaynida qizishi natijasida izolyatsiyasining namlanmasligi bilan tushuntiriladi. Uzoq muddat ishlamagan (omborda saqlangan) elektr dvigateli yoki generatorlarning izolyatsiya holati tekshirilib, zarur holatlarda ularning izolyatsiyasi quritilishi shart.⁸⁴