А. Туркманов бухгалтерия ҳисoби

Es=Bq*Ef/100
(200000*80/100=100000 сўм).
Бу ерда: Es-амортизация суммаси, Bq-баланс (дастлабки) қиймати, Tf-фоиз.
Томонлар ўртасида тузилган келишувга кўра, дастурни сотиб олувчи томон 100000 сўм ўтказиб беришга розилик беради. Демак, субъект ўз тасарруфидаги компьютерни сотишдан 60000 сўм даромад (фойда) олади.


Назорат учун саволлар
1. Номоддий активлар ҳисобини тартибга солувчи қонуний ва меъёрий ҳужжатларни айтиб беринг?
2. Номоддий активларни туркумлашдан мақсад нима?
3. Номоддий активлар ҳисобининг ҳаракати деганда нимани тушунасиз?
4. Номоддий активларга амортизация ҳисоблаш усуллари нечта ва улар қандай ҳисобланади?
5. Номоддий активларни кирими ва ҳисобдан чиқариш қандай амалга оширилади?
6. Номоддий активларининг объекти, предмети ва субъектлари туркумланиши ҳисоб ишларига қандай самара беради?
7. Номоддий активлардан фойдаланиш муддати қандай аниқланади?
8. Савдо маркалари, товар белгилари ва саноат намуналари бўйича олинган номоддий активларни қайта баҳолаш қандай амалга оширилади?
9. Номоддий активларни қабул қилишни ҳужжатлаштириш қандай расмийлаштирилади?

4-Мавзу. Инвестициялар ҳисоби.

4.1.Инвестицияларнинг мазмуни ва уларни ҳисобга олишнинг вазифалари.
4.2.Инвестицияларнинг туркумланиши ва бахоланиши.
4.3.Инвестициялар ҳисобини ташкил қилиш.
4.5.Акция ва облигацияларни сотиб олиш, уларнинг бозор ва номинал қийматини ҳисобга олиш тартиби.
4.6.Акция ва облигацияларни сотиб олиш ҳамда қайта сотиш билан боғлиқ харажатлар ҳисоби.
4.7.Инвестициялар бўйича молиявий натижаларни ҳисобга олиш тартиби


Таянч иборалр: инвестиция, акциядорлар, молиявий инвестициялар, қимматли қоғозлар, акция, облигация, депозит сертификатлари, дивиденд


4.1. Инвестицияларнинг мазмуни ва уларни ҳисобга олишнинг вазифалари.

Инвестиция инглизча investment сўзидан олинган бўлиб, сармоя қўйиш деган маънони англатади. Ўзбекистон Республикасининг «Инвестиция фаолияти тўғрисида»ги Қонунининг 2-моддасига биноан, инвестициялар - иқтисодий ва бошқа фаолият объектларига киритиладиган моддий ва номоддий неъматлар ҳамда уларга доир ҳуқуқлар.

Инвестицияларнинг иқтисодий мазмунига кўра қуйидаги турлари мавжуд:
- реал инвестициялар;
- молиявий инвстициялар;
- интеллектуал инвестициялар.