А. Тешабаев, С. Зайнабидинов, И. Каримов, С. Власов, В. Абдуазимов

Реакцияни фаоллаш энергияси 
Қаттиқ жисм томонидан тезлантирилаётган ҳар қандай кимёвий жараён 
албатта адсорбция ва десорбция босқичларини ўз ичига олади. Фараз 
қилайлик, қаттиқ жисм ( катализатор) газсимон фаза билан туташган. 
Газ молекулалари дастлаб қаттиқ жисм сиртида адсорбланади, кейин шу 
ҳолатда қола туриб бир бири билан ёки газдан учиб келаётган молекулалар 
билан реакцияга киришади, бундан кейин реакция маҳсулоти десорбланади ( 
ажралиб чиқади). Демак, катализатор газлар аралашмасига киритилганда 
реакция амалда газлар фазасидан қаттиқ жисм сиртига кўчади. 
Икки фаза чегарасида борадиган реакцияни – 
гетероген каталитик 
реакция 
дейилади. 
Реакциянинг тезлиги доимийси К (Т) температура функцияси орқали 
кўпинча сиртнинг каталитик фаоллиги тавсифланади. Унинг (Аррениус 
қонунининг) кўриниши. 
К(Т)=К
о
ехр(–Е/КТ). (12.1) 
бўлиб, бундаги Е – реакцияни активлаш энергияси. 
ℓnК нинг 1/Т га боғланиши тўғри чизиқ билан тасвирлашади, унинг 
ордината билан кесишиши ℓnК
0
бўлади. 
Қоида тариқасида, Е ва К
0
намунанинг тайёрлашиши усулига, унинг 
табиатига ва киришмалар миқдорига боғлиқдирлар. 
Катализнинг электрон назарияси
. Адсорбция катализда кимёвий 
адсорбция (хемосорбция) бўлади. Гетераген катализ назарияси хемосорбция 
назарияси билан чамбарчас боғланган. Катализаторларни танлаш асосий 
мақсад бўлгани учун катализатор ишлаши механизмини билиш зарур. 
Ҳар қандай кимёвий жараёндай ҳар қандай гетераген катализ жараёни 
электрон механизмига эга. Шу механизмни ошкор қилиш – катализнинг 
электрон назарияси вазифасидир. 
Яримўтказгичда юз берадиган электрон жараёнлар унинг электрик, 
оптик, магнитик ҳоссалари билан бир вақтда каталитик ҳоссаларини ҳам 
тақозо қилади. Яримўтказгичнинг электронлар аниқлаб берадиган ҳоссалар 
ва унинг каталитик ҳоссалари орасида муайян боғланиш бор. Шу 
боғланишни топиш назария олдидаги муаммодир. 
Бу назариянинг вужудга келиши ҳозирги замон яримўтказгичлар 
физикасининг катализ ҳодисалари соҳасига кириши эди. Л.В.Писаржевский 
(Киев, 1916 й. дан бошлаб) қаттиқ жисмларнинг каталитик ҳоссаларини, 
уларнинг электрон ҳоссалари билан боғлашга уринган олим хисобланади. 
Аммо, унинг назарияси квант механика пайдо бўлишидан олдин, Н.Бор 
назарияси асосида яратилган эди. Хозирги вақтда (1948 й. дан бошлаб) 
электрон назария мукаммалроқ назарий заминга таянади. 

---

103