A. Taniyev innovatsion iqtisodiyot darslik

Innovatsion loyihalar – amalga oshirish muddati, infratuzilmasi, ijrochilari, moliyalashtirish manbai va hajmiga ega innovatsiyani yaratish va ishlab chiqarishga yo‘naltirilgan tadqiqotlar.
Innovatsion siyosat – bu ishlab chiqarish va xizmat ko‘rsatish sohalarining innovatsion faoliyatini intensiv amalga oshirishga ko‘maklashadigan tadbirlar tizimidir
Ixtiro – bu turli sohalardagi mahsulotga (xususan, qurilma, modda, mikroorganizm shtamplari, o‘simlik va hayvonlar hujayralariga) yoki usulga (moddiy ob’ektlar ustidan harakatni amalga oshirish jarayoniga) tegishli texnik yechim. Agar ixtiro yangi bulib, ixtiro darajasiga ega va sanoatda kullash mumkin bulsa, unga xukukiy muxofaza (patent) beriladi.
Ishchi organ – loyihalarni baholashda texnik ta’minlash va ko‘maklashishni amalga oshiruvchi O‘zbekiston Respublikasi Innovatsion rivojlanish vazirligi huzuridagi Ilg‘or texnologiyalar markazi.
Klaster – muayyan yo‘nalishda bir-birini to‘ldiradigan va o‘zaro bog‘langan ishlab chiqarish yoki xizmat ko‘rsatishning bir joyda jam bo‘lishi.
Kollegial organ – O‘zbekiston Respublikasi Innovatsion rivojlanish vazirligining hay’ati.
Loyihaning ijrochi tashkiloti – ilmiy-tadqiqot loyihasini amalga oshiruvchi ilmiy faoliyat sub’ektlari, ilmiy-tadqiqot va tajriba-konstruktorlik faoliyati bilan shug‘ullanadigan boshqa tashkilotlar.
Marketing innovatsiyasi – bu firma tomonidan marketingning yangi uslubini joriy etish (mahsulotning dizayni va qadoqlash, uni joylashtirish, narx belgilash, bozorga chiqarish) agarda u firma tomonidan birinchi marta ishlatilayotgan bo‘lsa. Masalan, dizayn va qadoqlash bo‘yicha: yangicha ko‘rinish berish va ko‘rkamligini oshirish uchun mebel dizayniga ozgina o‘zgartirish kiritish; mahsulotga original ko‘rinish berish maqsadida kosmetik foson uchun idishning yangi dizaynini joriy etish.
Mahsulot innovatsiyasi – bu yangi yoki sezilarli darajada yaxshilangan tovar va xizmatlarni joriy etishdir. Masalan, texnika xususiyatlari, komponent va materiallari, ichiga o‘rnatilgan dasturiy ta’minoti, foydalanuvchi uchun qoulayligi yoki boshqa funksional xususiyatlari.