A. M. Karimova, D. M. Malikova pul va banklar

Onkol ssudasi - birinchi talabga koʻra qoplanadigan qisqa muddatli qarz.
Operativ lizing - bu shunday ijara munosabatlariki, bunda lizing ob`yektlari (mulk) amortizasiya muddatidan kamroq muddatga ijaraga olinadi. Arendator (ijarachi) mulkni oʻz ixtiyoriga ma’lum muddatga yoki bir ishlab chiqarish davriga oladi. Odatda shartnoma 5 yilga tuziladi. Bu muddat tugaganidan soʻng ijarachi toʻlovni toʻlashni toʻxtatishga va mulkni ijaraga bergan egasiga topshirishga haqli, yoki shartnomani yangitdan tiklash, yoxud shartnomani tuzish vaqtidagi kelishilgan bahoda lizing ob`yektini sotib olishi mumkin.
Operativ hisob - ma’lum xoʻjalik jarayoni va operasiyalarini ular yuz bergan joyning oʻzida kechiktirmay nazorat qilib boradi. Xoʻjalik operasiyalarini amalga oshirishda bu hisob yordamida rejalashtiriladigan koʻrsatkichlar bilan ham son, ham sifat jihatidan solishtiriladi.
OFERDRAF - mijozning joriy hisob varagining salbiy qoldigi boʻlib, bank krediti bilan qoplanadi.
Ochiq bozordagi operasiyalar - bu pul bozoriga ta’sir koʻrsatish maqsadida qimmatli qog’ozlarni Markaziy bank tomonidan sotib olish va sotishdir.
Ochiq valyuta pozisiyasi – bu vakolatli bankning chet el valyutasidagi talablari uning chet el valyutasidagi majburiyatlari summasiga mos (teng) boʻlmagan xolatdagi valyuta pozisiyasidir
Pul - 1. Shunday maxsus tovarki, u hamma boshqa tovarlar uchun umumiy ekvivalent vazifasini bajaradi. Hamma tovarlar singari pul ham qiymat ham iste’mol qiymatiga ega. Shu ma’noda, u boshqa oddiy tovarlardan farq qilmaydi. 2. Hamma tovar va xizmatlar ayirboshlanadigan, umumiy ekvivalent sifatida foydalaniladigan, boshqa barcha tovarlar qiymatini ifodalaydigan maxsus tovar.
Pul muomalasi - iqtisodiy sub`yektlarning pul vositasida amalga oshadigan munosabatlari.
Pul - kredit siyosati - davlat tomonidan iqtisodiy oʻsishni ta’minlash maqsadida pul muomalasini tashkil etish va barqarorligini ta’minlash uchun amalga oshiriladigan barcha chora-tadbirlar majmui.