A k a d e m I ya r. X. Dushanov y. A. Farfiyev

 
7-topshiriq 
 
Ushbu jazirama kunlardan birida terlab-pishib ketgan Verner, shahar 
ko‘chalari bo‘ylab mashg‘ur gangster Uzun Jimni ta’qib qilib borardi. Bir payt 
Uzun Jim shundoqqina inspektorning ko‘z o‘ngida o‘tib ketayotgan 
avtomashinadan o‘q otib o‘ldirildi.  
– Bu Jim raqiblarining to‘daboshisi Gausenning ishi, – dedi inspektor 
serjant Fittga, Chorak soat o‘tgach ular Gausen uyining eshigidagi tugmani 
bosib, qo‘ng‘iroq qilishdi.  
Eshikni o‘g‘lining qo‘lidan tutib turgan Gausenning o‘zi ochdi.  
– Men uyimga yarim soat oldin qaytdim va o‘shandan beri hali uydan 
hech qayoqqa chiqqanim yo‘q, – dedi Gausen inspektorning savoliga javoban. 
Shu payt go‘dak uning qo‘lidan qutulib chiqdi hamda limonad va eriy 
boshlagan muzqaymoq turgan stolchani ag‘darib yubordi.  
– La’nati churvaqa, – deb jahl qildi gangster va muzqaymoqni ko‘rsatib 
shunday dedi:  
– Aravasi bilan uyimning ro‘parasida turadigan muzqaymoqchi Tom 
mening yarim soat oldin kelganim va undan bolam uchun muzqaymoq sotib 
olganimni, keyin hech qayerga chiqmaganimni tasdiqlashi mumkin.  
– Men Tomni va uning to‘dang bilan aloqasi borligini juda yaxshi 
bilaman, – deb javob qildi insektor. – U soxta alibini tasdiqlashga har qachon 
tayyor.  
Savol: Inspektor qanday qilib, Gausenning aldayotganini payqab qoldi?