A. D. Kayumov gruntshunoslik

Gruntlar  teksturasi  deb  ularning  strukturali  elementlarining  fazoda 
nisbatan  joylashishi  va  bo„linishini  tavsiflovchi  alomatlarning  umumlashgani 
tushuniladi. 
Tekstura strukturaga o„xshab jinsning tarkibi va hosil bo„lish sharoiti bilan 
juda yaxshi bog„langan. Masalan, magmatik jinslar teksturasi magma eritmalarini 
keyinchalik  har  xil  sovish  sharoitida  hosil  bo„lgan  shakli  bilan  tasiflanadi.  Bu 
yerda eng ko„p tarqalgani bir xil (massivli) va har xil (sharli, flyuidal, shlakli va 
boshqalar) teksturalardir. 
Metamorfik  jinslarning  teksturasi  massivli  va  slanesli  ko„rinishlilarga 
bo„linadi. Slaneslilar orasida eng ko„p tarqalgan tekstura turlari yupqa parallellilar, 
to„lqinsimon  (ploychatli),  yo„lakchasimon,  holli,  oynakli  va  boshqalar.  Massivli 
tekstura  eng  ko„p  mramorda,  kvarsitda  va  shoh  aldamchisida  uchraydi.  Yupqa 
parallelli va holli – metamorfiki slaneslarda, to„lqinsimon va oynakli – gneyslarda 
uchraydi. Keltirilgan metamorfiki teksturalar bilan, shuningdek, ona jinsi teksturali 
xususiyatini saqlab qolgan reliktli, masalan, qatlamli cho„kindi jinslar uchraydi.  
Cho„kindi  jinslar  ichida  massivli  (qatlamsiz)  va  qatlamli  teksturalar  ajralib 
turadi. Eng ko„p tarqalgani qatlamli, jins tarkibida qatlam va qatlamchalari borligi 
bilan tavsiflanadigan, tarkibi, strukturasi, rangi va boshqalar bilan ajralib turadigan 

---

76
 
 
teksturalardir. Teksturalar qatlami tavsifi bo„yicha parallel qatlamli, egri qatlamli, 
linzasimonlarga  bo„linadi.  Ular  orasida  qatlamining  qalinligi  bo„yicha  yirik-, 
nozik- va mikroqatlamli teksturalar ajratiladi.  
Umuman  olganda  jinsning  qalinligini  tavsiflovchi  teksturali  alomatlarga, 
shuningdek,  magmatik  jinslarning  birlamchi  alohida  ko„rinishlari  va  ularni 
tarkibidagi  yoriqliklari  taalluqlidir.  Bu  jinslarning  birlamchi  alohida  ko„rinishi 
sovuvchi  magmatik  massada  kristallashayotgan  cho„zuvchi  kuchlanish  ta‟sirida 
yuzaga keladi. Ustunli, plitasimon, matritsali va boshqa bir necha xil teksturaning 
hosil bo„lishi ular kabidir.