А д а б и й портрет абдуғафур расулов озод шарафиддинов

рият эстафетаси давом этади» мақоласида 
О. Шарафиддинов ёш шоира Фароғат Камо- 
лованинг «Гўдак» шеърига, ундаги мана бу
44
www.ziyouz.com kutubxonasi

---

мисраларида ифодаланган образли фикрга 
эътибор беради:
Гўдак ким: у менинг тинимсиз ўйларим,
Шеър бўлиб қуйилар дилу жонимга.
У тинмай тортқилар дунё эшигин,
Дунё эшик очар ҳаяжонимга.
«Уйлайманки, бундай машқи баланд шои- 
радан келажакда анча нарса кутиш мум- 
кин»,— деб ёзади танқидчи.
Ёшлар ижоднни ўрганар экан, танқидчи- 
нинг кўзи М . Солиҳ шеърларига тушади. Улар- 
да баландпарвоз сўзлар, ортиқча бўёқлар кўр- 
майди. Лекин шоир шеърларида кишини лол 
қолдирадиган образлар, сиртдан қараганда 
ораларида ҳеч қандай боғлиқлик бўлмаган 
воқеа, нарсалар аро қиёслар унинг диққатинн 
тортади. Шоир оддий, увоққина деталь орқали 
ватангадонинг фожиасини кўрсатади. О. Ша- 
рафиддинов ёшларга мақтовдан кўра тўғри 
йўналиш кўрсатиш манфаатлироқ эканини ту- 
шунади. У ҳар қачон шеър билан назмбозлик- 
ни фарқлаш лозимлигини уқтиради. Шеър каш- 
фиёт, борлиққа янги нуқтадан қараш, онги- 
миз, шууримизга янгича озиқ беришдир. Янги 
туйғу, оҳорли фикр бўлмаган жойда назмбоз- 
лик пайдо бўлади. «Хуллас, бугунги ёшлар 
шеъриятида назмбозлик жиддий қусурлардан 
бири сифатида мавжуд. У ҳар қанча янги қиё- 
фага киришга уринмасин, моҳияти эскича қол- 
ган — назмбозлик йўлида ёзилган шеърлар, 
чинакам ҳаётийликдан ва оригинал поэтик 
фикрдан маҳрум, китобий шеърлардир»1.
1 О . Ш а р а ф и д д и н о в . Талант—халқ 
мулки.
«Еш гвардия» нашриёти, Тошкент— 1979, 111-бет.
45
www.ziyouz.com kutubxonasi

---