А. Бурханов, К. Рахматов

Минтақавий (ҳудудий) кластер
– бу ўхшаш товарлар ва хизматларни 
ишлаб чиқарадиган ва битта ҳудудда жойлашган (бир-бирига жуғрофий / 
ҳудудий яқинликда жойлашган) компаниялар гуруҳига тегишли кластер. 
Минтақавий иқтисодиётнинг вазифаси 
- миллий иқтисодиётнинг 
ҳудудий муаммоларини ўрганиш ва ушбу муаммоларни ҳал қилиш йўллари 
ва механизмларини аниқлашдир. 
Минтақавий иқтисодиётнинг объекти 
- мамлакатнинг ижтимоий-
иқтисодий тизимининг ҳудудий жиҳатлари, минтақавий иқтисодиётнинг 
ҳудудий қуйи тизимларининг фаолияти ҳисобланади. 
Моддий-буюмлашган бойлик 
- миллий бойликнинг инсон меҳнати 
билан яратилган ашёвий – буюм кўринишга эга бўлган қисми. 
Минерал хомашё 
- ер қаридан қазиб олинган, ҳалқ хўжалиги 
аҳамиятига эга бўлган фойдали қазилмалар. 
Минерал ресурслар 
- муайян муддатда қидирилган, аниқланган, 
баҳоланган ҳамда прогноз қилинган фойдали қазилмалар. 
Мартаба 
- бу, ҳақиқатдан эгалланадиган босқичлар (лавозимлар, иш 
ўринлари ва жамоадаги мавқелар) изчиллигидир. 
Меҳнат редукцияси 
- бу мураккаб меҳнатни оддий меҳнатга 
айлантириш демакдир.
 
Меҳнат кооперацияси 
- бу меҳнат фаолияти жараёнидаги алоҳида 
ихтисослаштирилган ижрочилар ўртасидаги алоқаларнинг ўрнатилиши ва 
меҳнат фаолиятининг ташкил этилишидаги энг муҳим элементлардан 
биридир. 
Меҳнат бозори 
- бозор иқтисодиётининг умумий кичик тизими, унда, 
бир томондан-иш берувчилар, иккинчи томондан-ёлланма ишчилар ўзаро 
алоқада бўлади. 

---

589
Меҳнат ресурслари мобиллиги 
- 
меҳнат ресурсларининг бир минтақа 
ёки ҳудуддан бошқасига ўтиши, бир меҳнат фаолияти турини бошқасига 
алмаштиришга тайёрлиги даражаси.