A. A. Qaxxarov, yu. Sh. Avazov, U. A. Ruziyev kompyuter tizimlari va tarmoqlari

Tizimdagi muammolarni bartaraf qilish qulayligi. Agar zavodda sanoat tarmoq tizimlarini tushunish darajasi juda past bo‘lsa, oddiy protokollaridan biri sifatida ASCII protokolini tanlash mantiqan to‘g‘ri bo‘ladi.
Ma’lumot aniq uzatishning yuqori darajasi. Elektr shovqinlari mavjud bo‘lgan sanoat muhitida va ma’lumotlarni uzatishda xatoliklar mavjud bo‘lsa (masalan, muhim uskunalarni boshqaradigan tarmoq liniyasida sodir bo‘ladigan xatoliklar), yuqori darajada xatoni tekshiruvchi protokolni tanlash lozim.
Protokolni standartlashtirish. Boshqa ishlab chiqaruvchilarning PLC lariga yoki sanoat tizimlari interfeysiga talab mavjud bo‘lishi mumkin. Bunday holda belgilangan standart asosida ishlovchi protokol lozim buladi, hozirda keng tarqalgan va qabul qilingan standart sanoat protokoli sifatida Modbus protokolidan keng foydalanilmoqda.
Parametrlarni yuqori tezlikda yangilash (o‘lchash). Bir qator nazorat qurilmalarida bir vaqtning o‘zida kerakli parametrlar qiymatlarini oxirgi holatini aniqlash kerak bo‘lishi mumkin. Birinchi va oxirgi qurilmalarning signallarini uzatishda shovqin (yoki kechikishlar) bo‘lmasligini ta’minlash talab etiladi, bunday hollarda eng yangi protokollaridan biri FieldBus dan foydalanish tavsiya etiladi.


14.1. ASCII asosidagi protokollar
ASCII ga asoslangan protokollar soddaligi tufayli ko‘p qo‘llaniladi. Asosiy kamchiligi bir nechta qurilmalari mavjud katta sistemalarda ma’lumot almashinuvi sekin kechadi. Odatda ASCII asosidagi protokollar faqat bitta master bilan cheklangan tizimlar uchun qo‘llaniladi. Shuningdek ASCII ga asoslangan protokollar avtonom qurilmalarni boshqarishda keng qullaniladi, bunda ketma ket interfeyslar qo‘shilgani mavjud proektni o‘zgartirmaydi. Aslida, qo‘shimcha ketma-ket port boshqa klaviatura kabi ishlashini anglatadi.
ASCII ga asoslangan protokollar oddiy bo‘lishi bilan birga, tajribasida ma’lum ishlab chiqaruvchilar tomonidan aniq tarif berilmasligi sababli ularni amalga oshirishda bir qancha muammolar kelib chiqadi. Quyida ASCII ga asoslangan 2 ta protocol qo‘llanmasi berilgan. Birinchisi, aqlli uzatkichlar uchun, ikkinchisi o‘zgaruvchan tezlik o‘zgartirgichlari uchun. Aqlli uzatkichlar uchun qo‘llaniladigan protocol oddiy protocol strukturaga ega, ANSI-X3.28-2.5-A4 protokoli esa anchagina murakkab yondashuv asosida ishlaydi.