A. A. Abduazizov tilshunoslik nazariyasiga

NUTQ  TOVUSHLARINING TASNIFI
Odam  nutqi  har  xil  tovushlarga  juda  boydir.  Biroq  barcha 
tovushlami  ularning  artikulyatsion-akustik  xususiyatlarga  ko‘ra 
har xil turlarga  bo‘linadi.  Birinchi  navbatda,  tovushlami  unli  va 
undoshlarga  bo‘linadi.  Artikulatsion,  akustik  va  eshitib  his  eti­
lishi  hamda  tildagi  funksional  xizmati  jihatdan  unli  va  undosh 
tovushlar  o ‘rtasida  katta  farq  bor.
Artikulatsion jihatdan unli tovushlar o‘pkadan  chiqib  kelay- 
otgan  havoning  hech  qanday  to‘siqqa  uchramasdan  o‘tishi, 
aksincha,  undoshlar  talaffuzida  havo  oqimining  biror  to ‘siqqa 
duch  kelishi  bilan  izohlanadi.  Akustik  xususiyatlariga  ko‘ra 
unlilar  talaffuzida  havo  oqimi  kuchsiz  tebranishga,  aksincha, 
undoshlar  esa,  unlilarga  qaraganda  kuchli  tebranish  va  shovqin 
yordamida  hosil  bo'ladi.  Eshitib  his  etilishi jihatdan  undoshlar 
kuchli  shovqin  bilan  unlilardan  farq  qiladi.  Unlilar  esa,  musiqa

---

ohangiga  jo ‘r  bo‘la  oluvchi  mayin  ohangga  egadir.  Ko‘pincha 
jahon  tillarida  undosh  tovushlar  unlilardan  ko‘proq  uchraydi  va 
shu  tufayli  ularning  funksional  xizmati  ham  ko‘proqdir.  Odatda 
obyektiv borliqdagi  mavjud  narsa va hodisalarni har xil guruh va 
tiplarga  tasnif qilingandek,  nutq  tovushlarini  ham  artikulatsion- 
akustik  xususiyatlariga  ko‘ra  bir  necha  kategoriyalarga  bo'lina- 
di.
Yuqorida  ko‘rsatilgan  belgilari  asosida  nutq  tovushlari  unli 
va  undoshlarga  va  o ‘z  navbatida,  bular  ham  ayrim  guruhlarga 
bo‘linadi.  Quyida  unli  va  undosh  tovushlarning  tasnifini  ko‘rib 
o ‘tamiz.