9-tema. Informatikadan sabaqtan tisqari shinig`iwlardi proektlestiriw. Reje

Informatika dógeregin shólemlestiriw 

Informatika  dógereginde  úyreniletuǵın  materiallar  mazmunı  hám  kólemin 

shegaralap  qoyıw  qıyın.  Mektep  shárayatı  hám  oqıwshılardıń  tayarlıǵına  qarap, 

dógerekte hár túrli tariyxıy, teoriyalıq hám ámeliy materialların úyreniw múmkin.  

Informatika  dógereginiń  tabısli  islewinde,  oqıwshılardı  dógerek  jumıslarına 

tartıwda,  dáslepki  shınıǵıwlardıń  roli  úlken,  sebebi  dáslepki  shınıǵıwlardıń  kópshilik 

bólimin  qızıǵarlı  máselelerge  ajıratıp  jiberiw  nátiyjesinde,  keyingi  shınıǵıwlarda  basqa 

máselelerge  oqıwshılar  qızıǵıwı  páseyip,  ayrımları  dógerekten  shıǵıp  ketiwi  múmkin. 

---

Sonıń  ushın  dógerekte  beriletuǵın  materiallardıń  qızıǵarlı  yamasa  qızıǵarlı 

bolmaǵanlarınıń  qatnası  sabaqlarda  birdey  bolıwı  kerek.  Sonıń  menen  birge,  dáslepki 

shınıǵıwlarda  oqıwshılardı  jedel  iske  qarata  biletuǵın,  infor-matikaniń  miynet, 

tárbiyalıq,  aqıl,  estetikalıq  hám  basqa  da  tárbiyalıq  jumıslar  menen  baylanısın 

bekkemlewge  imkaniyat  tuwdıratuǵın,  olarǵa  real  dúnyanı  matematikalıq  modeller 

arqalı  kórsetiwdiń  imkaniyatların  túsindirip  bere  alatuǵın,  múmkin  bolǵansha  jámáát 

bolıp islenetuǵın materiallardı tańlaw maqsetke muwapıq.  

Bul  óz  náwbetinde  oqıwshılardı  tek  tıńlap  otırıw  emes,  bálki

 

juwapkerli  jumıs 

orınlaw,  túrli  pikirler  júrgiziwge  májbúrleydi.  2-3  shınıǵıwdan  soń  informatikanı 

haqıyqat  súygen  hám  dógerekke  qatnasıwǵa  qatań  qarar  qılǵan  dógerek  aǵzalarınıń 

toparı payda boladı.  

Dógerektiń  dáslepki  shınıǵıwların  oqıtıwshınıń  ózi  ótkizip,  onda  dógerektiń 

maqseti hám wazıypaların túsindirip beredi, oqıwshılardıń nege qızıǵıwı boyınsha kishi 

gúrrińler  ótkizedi.  4-5  shınıǵıwdıń  jobasın  aldınnan  oqıp  beredi.  Olardıń  ayrımların 

ózleriniń  qálewinshe  tayarlanıp  kelip  dógerekte  lekciya  jasaw  ushın  oqıwshılarǵa 

tapsıradı hám tiyisli ádebiyatlardı kórsetedi.