9-son –to’plam dekabr 2021 pedagoglar uz 1

19-son 1 
–to’plam dekabr 2021
 
 
pedagoglar.uz
 
256
Madrasa ta’limidagi oʻzgarishlar bu bilan toʻxtab qolmadi, balki 
oʻzgarishda davom etdi. XX asrning 20-yillariga kelib, madrasaning barcha 
xizmatchilari belgilangan miqdorda har oy vaqf mablagʻidan xizmat haqi olib, 
maosh olganiga imzo chekishi shart boʻldi. 
Mullavachchalar-talabalarning barchasi oʻqish bosqichi qanday boʻlishidan 
qat’iy nazar, bir xil taqsimlanadigan nafaqa-stipendiya hisobidan umumiy 
qozondan oziq-ovqat, kiyim-kechak bilan ta’minlanadigan boʻldi. Faqat nafaqa-
stipendiyaning qoldigʻi (agar yuqorida keltirilganlardan ortib qolsa) talabaning 
qoʻliga berilardi, xolos. 
Stipendiyalar umumiy oʻrta ta’lim oʻquv yurtlari-gimnaziyalarda ham 
berilgan. 1876-yili Toshkentda oʻgʻil va qiz bolalar uchun rus progimnaziyalari 
(toʻliqsiz gimnaziyalar) ochilib, ular 1881-yilda gimnaziyaga aylantirildi. 
1882-1883-oʻquv yilida Toshkent oʻgʻil bolalar gimnaziyasida a’lochi 
oʻquvchilarga Pedagogik kengash tomonidan moddiy koʻmak berish tizimi joriy 
etildi. 
Rossiya imperatori Aleksandr II (1855-1881) ning 1868-yil 13-mart va 26-
dekabrdagi qarorlariga asosan, 1885-yili Toshkent qizlar gimnaziyasi 
oʻquvchilaridan 10 nafari maxsus stipendiya oladigan va 15 nafari esa ikkinchi 
yilga oʻqish uchun toʻlanadigan haqlardan ozod etiladigan boʻldi. 
Oʻrta maxsus oʻquv yurtlarining bir turi boʻlgan seminariyalarda ham 
stipendiya berilgan. 1879-yilda Toshkentda tashkil etilgan Turkiston 
oʻqituvchilar seminariyasi oʻquvchilari uchun davlat, xususiy va jamoat 
stipendiyalari joriy etilgan. 
Imperator Aleksandr II nomidagi stipendiya, general-adyutant Aleksey 
Nikolayevich Kuropatkin nomidagi stipendiyalar shular jumlasidan. Ular 190 
rubl miqdorida toʻlangan. 

---