9-mavzu: asosiy vositalar va nomoddiy aktivlar hisobi. Reja: Asosiy vositalar hisobining ahamiyati va vazifalari

ЕР МАЙДОНЛАРИДАН ФОЙДАЛАНИШ ҲУҚУҚИ иштирокчиларнинг корхона устав капиталига улуш қийматининг бир қисми бўлиши мумкин. Ушбу ҳуқуқ қиймати корхона ташкил қилинаётган ернинг баҳосига боғлиқ бўлиб, тарафларнинг келишуви бўйича белгиланади

ФРАНШИЗА (ФРАНЧАЙЗ) - муайян формулалар, технологиялар ва ташқи кўринишлардан мутлақ фойдаланишга бўлган ҳуқуқ. Франшизалар аниқ йўналиш ва аниқ хизматлардан фойдаланиш ҳуқуққига эга бўлиш учун тақдим қилинади. Франшиза тўғрисидаги ҳар бир шартнома франшиза ҳақиқий бўлган даврини, шунингдек франшизор (мутлақ фойдаланиш ҳуқуқини тақдим қиладиган субъект) ва франшизи (ушбу ҳуқуқни қабул қиладиган субъект) нинг ҳуқуқлари ва мажбуриятларини аниқлаштиради.

МУАЛЛИФЛИК ҲУҚУҚИ - илмий, адабий, мусиқий ва бошқа асарлар муаллифларига муаллифнинг ҳаёти даврида ва муаллиф вафотидан сўнг 50 йил давомида давлат томонидан тақдим қилинадиган ҳимоя шакли. Муаллифлик ҳуқуқи эгаларига муайян эксклюзив ҳуқуқлар, шу жумладан, ўз ишларини чоп этиш, қайта чоп этиш ва кўпайтириш, сотиш ва нусхаларни тақсимлаш, ўз асарларини ижро этиш ва ёзиш ҳуқуқлари тақдим қилинади.

Муаллифлик ҳуқуқи қиймати ҳақиқий қиймати бўйича рўйхатдан ўтказилади ва хизмат қилиш муддати давомида яъни муаллифлик ҳуқуқи жорий қилинадиган иш даромад келтирадиган даврда амортизация қилиниши керак.

ГУДВИЛЛ (ИШЧАНЛИК ОБРЎЙИСИ, ФИРМА БАҲОСИ) - сотиб олинаётган (сотилаётган) фирманинг маҳсулотни сотиш бозорларининг мавжудлиги, мол етказиб берувчилар билан йўлга қўйилган барқарор алоқалар, самарали бошқарув, ишлаб чиқариш жараёнининг махфийлиги ва шу каби қулай тавсифлари сабабли вужудга келадиган бойликдан иборат.

Бухгалтерия ҳисоби нуқтаи назаридан гудвилл (фирма нархи) харидор корхона учун активларнинг ҳақиқий қийматидан кўп пул тўлаганда вужудга келади.

НОМОДДИЙ АКТИВЛАРНИ ҚАЙТА БАҲОЛАШ НАТИЖАЛАРИНИНГ БУХГАЛТЕРИЯ ҲИСОБИ