9 маъруза Суюқлик турли жинсли тизимларни ажратиш. Турли жинсли тизимларнинг турлари ва уларни ажратиш усуллари

Узлуксиз ишлайдиган, чўкмани шнекда тўкувчи горизонтал чўктирувчи центрифуга (НОГШ). Ушбу қурилма ротор 2 ва қобиқ 1 да ўрнатилган шнекли мослама 3 лардан таркиб топган (9.10-расм). Суспензия марказий труба 5 орқали ғовак ўқ 4 га узатилади. Ушбу трубадан чиқишда суспензия марказдан қочма куч таъсирида ротор бўшлиғида тақсимланади. Қобиқдаги ғовак цапфаларда ротор 2 айланиб туради. Шнек эса, ротор ичидаги цапфаларда айланади. Марказдан қочма куч таъсирида қаттиқ заррачалар ротор деворига қараб ҳаракат қилади, суюқлик эса ички ҳалқа ҳосил қилади. Бу суюқлик ҳалқасининг қалинлиги ротор ён томонидаги тўкиш тешикларининг жойлашиши билан аниқланади. Ротор бўйлаб чўкма ҳаракат қилганда йўл – йўлакай зичланиб боради. Технологик зарурият бўлса, чўкма ювилиши ҳам мумкин.
Фугат эса, тўкиш тешиклар орқали фугат камерасига йиғилади ва патрубка 7 дан ташқарига чиқарилади.
НОГШ типидаги центрифуга катта иш унумдорликка эга ва юқори концентрацияли майин, дисперс суспензияларни ажратиш учун қўлланилади. Бундай центрифугаларнинг суспензия бўйича иш унумдорлиги ушбу формуладан топилади:
(9.38)
бу ерда; D_Т, L_Т - тўкиш цилиндрининг диаметри ва узунлиги, м; ₃,  - заррача ва муҳит зичликлари, кг/м³; d - заррачанинг энг кичик диаметри , м; n - роторнинг айланиш частотаси, мин^-1 ;  - динамик қовушоқлик коэффициенти, Па_*с.

Чўктирувчи центрифугалар иш унумдорлиги эса ушбу формуладан ҳисобланади:

(9.39)
бу ерда:  - пропорционаллик коэффициенти; F = 2R₀L - ротордаги суспензия кўзгуси майдонининг юзаси (бу ерда R₀ - суспензия ҳалқасимон қатламининг ички радиуси, м; L - ротор узунлиги, м) м²; w_ц = w_чукК - марказдан қочма куч таъсиридаги чўкиш тезлиги, м/с (бу ерда w_чук – оғирлик кучи таъсирида чўкиш тезлиги, м/с; К - ажратиш коэффициенти).

(9.39) тенглама ёрдамида чўкмани пичоқ билан кесиб оладиган чўктирувчи центрифуга иш унумдорлигини ҳисоблаш формуласини келтириб чиқариш мумкин:

(9.40)
бу ерда: k - суспензия ўзатиш вақтининг центрифуга умумий ишлаш вақтига нисбати.