9-laboratoriya ishi

9-laboratoriya ishi


6-SINFLAR UCHUN “ASOS VA QOʻSHIMCHALAR. QOʻSHIMCHALAR TASNIFI” MAVZUSIGA OID GRAMMATIK JADVALLAR TAYYORLASH. “FE’LNING ZAMON SHAKLLARI” MAVZUSI UCHUN MASHQ VA TOPSHIRIQLAR ISHLAB CHIQISH.


Mashgʻulotning maqsadi: talabalarda “Asos va qoʻshimchalar. qoʻshimchalar tasnifi” hamda “Fe’lning zamon shakllari” mavzusi uchun mashq va topshiriqlar ishlab chiqish malakasini shakllantirish.


1-topshiriq. Matnni diqqat bilan oʻqib chiqing.

Delfin

Qadimdan delfinlar haqida xuddi ertaklarga oʻxshash hikoyalar mavjud. Yunon afsonalaridan birida, bir bolani har kuni koʻrfazning narigi qirgʻogʻidagi maktabga olib borib va yana qaytarib olib kelib qoʻyadigan delfin haqida hikoya qilinadi. Kunlardan birida bola ogʻir dardga chalinib olamdan koʻz yumadi. Delfin esa odatdagi joyiga kelib bolani kutar edi. Bora-bora delfin yosh doʻstini koʻrishdan umidini uzibdi va intizorlikka chiday olmay u ham halok boʻlibdi. Yunon tarixchisining hikoya qilishicha, delfinlar baliqchilar toʻriga baliqlami haydab kelishga yordam berishar va buning evaziga mukofot tariqasida vinoga botirilgan non boʻlaklarini olishar ekan.
Delfinlar sutemizuvchi hayvon boʻlib, suvda yashasa ham, havo bilan nafas oladi. Delfinlar odatda 15 – 40 tasi birga toʻda-toʻda boʻlib yashaydi. Agar biror delfin yordamga chaqirsa, boshqalari darhol yetib kelishadi va uning nafas olishi uchun ikki tomondan suvning yuzasida ushlab turishadi. Ular choʻkayotgan odamga ham shunday yordam koʻrsatishadi.


2-topshiriq. Matnda ichidagi gaplardan oʻtgan zamon fe’lini topib, daftaringgizga yozing.

Kutar edi

3-topshiriq. Quyidagi savollarga javob bering.

1.Siz delfinlarni koʻrganmisiz?

2.Delfinlar qayerda yashaydilar?
3.Delfinlar yolgʻiz yashaydilarmi? Nima deb oʻylaysiz?
4.Yunon afsonalarida delfinlar haqida qanday ertak mavjud?
5.Delfinlar odamlarni qutqarib qolishlarini bilarmidinggiz?