9-bob. Tabiiy tilni tushunish va mashinali koʻrish tizimlari

Lingvistik qayta ishlash moduli [11-15]. Avvalo, oʻqishga beriladigan matn lingvistik qayta ishlash moduliga kelib tushadi. Unda til aniqlaniladi (sintezning koʻp tillilik tizimida), keyin talaffuz etilmaydigan simvollar filtrlanadi. Ayrim hollarda “spel – cheker” lar (orfografik va punktuasiya (oldbelgilar - tartiblash belgilar) xatolarini tuzatish modullari) qoʻllaniladi. Keyin matn normallashtiriladi, ya’ni kiritilgan matnni soʻzlarga va simvollarning boshqa ketma-ketliklarga boʻlinishi sodir boʻladi. Simvollarga, shuningdek, tinish belgilari va abzasning boshlanish simvollari kiradi. Barcha punktuasiya belgilari juda informativ hisoblanadi. Raqamlarni talaffuz qilish uchun alohida qism boʻlimlar ishlab chiqiladi. Raqamlarni soʻz ketma – ketligiga almashtirish yetarlicha oson masala hisoblanadi (agar raqamlarni son sifatida emas, raqam sifatida oʻqilsa, u grammatik toʻgʻri shakllanadi), lekin turli qiymat va funksiyalarga ega boʻlgan raqamlar turlicha talaffuz qilinadi. Koʻpgina tillar uchun, masalan, telefon raqamlarning alohida talaffuz qilish qism tizimi mavjudligini aytish mumkin. Alohida raqamlarning toʻgʻri identifikasiyasi va talaffuz etilishiga e’tibor qaratish kerak, masalan, oy, yil, vaqt, telefon raqami, pul summasi va hokazolarini bildiruvchi sonlarga alohida e’tibor berish kerak (turli tillar uchun roʻyxat turlicha boʻlishi mumkin).