9-bob. Tabiiy tilni tushunish va mashinali koʻrish tizimlari

Nutqni sintez qilish usullari [11-15, 38, 39, 40, 66]. Endi yaqin kelajakda nutqni sintez qilish texnologiyasi xaqida toʻxtalamiz. Biror bir minimal fikrlangan matni qarab chiqaylik. Matn boʻshliqlar va tinish belgilar bilan ajratilgan soʻzlardan tashkil topgan boʻladi. Soʻzlarni aytish uning gapda turgan oʻrniga, jumla talaffuzi esa tinish belgilarga bogʻliq. Bundan tashqari, koʻpincha qoʻllanilayotgan grammatik tuzilish turiga koʻra: xech qanday tinish belgisi boʻlmasa ham bir qator holatlarda matnni talaffuz qilishda boʻshliq eshitiladi. Nihoyat, talaffuz qilish soʻz ma’nosiga ham bogʻliq.

Muammoning boshlangʻich taхlili uning qiyinligini koʻrsatadi. Umuman olganda, bu mavzuga bir necha oʻnlab monografiyalar va har oyda koʻp miqdordagi ilmiy maqolalar yozilgan. Shuning uchun biz faqatgina umumiy, eng asosiy tushunchalarni koʻrib oʻtamiz.