9-bob. Banklarda kassa operatsiyalari

Muomaladagi naqd pullarning pul massasidagi ulushi dinamikasi

9.4. Plastik kartochkalar orqali hisoblashuvlar
O’zbekiston Respublikasi Prezidentining 2002 yil 30 martdagi «Pul massasi o’sishini cheklash va moliya intizomiga rioya etish, mas’uliyatini oshirish chora-tadbirlari to’g’risida»gi Farmonining 3- va 4-bandi hamda O’zbekiston Respublikasi Vazirlar Mahkamasining 2002 yil 5 avgustdagi «Pul mablag’larining bankdan tashqari muomalasini yanada qisqartirish chora-tadbir­lari to’g’risida»gi Qarorining 9-10-bandlari aynan plastik kartochkalar bilan bo’ladigan operatsiyalarni amalga oshirish, ular orqali ish haqi berilishi, terminallar tarmog’ini kengaytirishga qaratilgandir.
O’zbekiston Respublikasi Vazirlar Mahkamasining «Plastik kartochkalar asosida hiob-kitob qilish tizimini yanada rivojlantirish chora-tadbirlari to’g’risida»gi 2004 yil 24 sentyabrdagi Qarorining qabul qilinishi bu borada qator yangi vazifalarni belgilab berdi. Xususan, savdo, ovqatlanish va boshqa xizmat ko’rsatish joylarida terminallar o’rnatish, bankomatlar tarmog’ini kengaytirish, yagona umumrespublika protsessing markazini tashkil etish orqali hisob-kitoblarda plastik kartochkalar ahamiyatini oshirish choralari ko’rilmoqda.
Bugungi kunda tijorat banklari tomonidan “Uzcard” hamda “Humo” to’lov tizimlarining milliy valyutadagi bank kartalari muomalaga chiqarilib, ularning infratuzilmasi kengaytirib borilmoqda.
O’zbekiston Respublikasi Vazirlar Mahkamasining 2004 yil 24 sentyabrdagi “Plastik kartalar orqali hisob-kitob tizimini yanada rivojlantirish chora-tadbirlari to’g’risida”gi 445-sonli qaroriga asosan Yagona umumrespublika protsessing markazi tashkil etilib, “Uzcard” to’lov tizimi faoliyat yurita boshladi.
2020 yil 11 aprelda Yagona umumrespublika protsessing markazi MCHJga “Uzcard” to’lov tizimi operatori litsenziyasi Markaziy bank tomonidan taqdim etildi.
O’zbekiston Respublikasi Prezidentining 2018 yil 19 sentyabrdagi “Milliy to’lov tizimini rivojlantirish chora-tadbirlari to’g’risida”gi PQ–3945-sonli qaroriga asosan Milliy banklararo protsessing markazi tashkil etilib, 2019 yilning I-choragidan boshlab “Humo” to’lov tizimi ishga tushirildi.
Milliy banklararo protsessing markazi MCHJga 2020 yil 11 aprelda “Humo” to’lov tizimi operatori litsenziyasi Markaziy bank tomonidan berildi. Mamlakatimizda bank kartalari infratuzilmasi 2020 yil 1 yanvarь holatiga 20 547 ming dona bank kartalari, 392 361 ta to’lov terminallari hamda 9 203 ta bankomat va infokiosklardan tashkil topgan.