8-тема: Сиясий философиялық ағымлар ҳәм сиясий идеология

Ҳәкимият – бул шахс який топардың өзиниң еркин, қәлеўин (ҳүкимин), басқа шахс який жәмийетлик топарларға өткериў қәбилети ҳәм имканияты болып, ол абырой, ҳуқық, зоралық, арлық әмелге асырылады.
Сиясий қатнаслар жәмийеттеги индивидлер, топарлар, қатламлар, бирликтеги искерлигинде қәлиплеседи ҳәм жүзеге шығады. Сиясий қатнаслар мәмлекетлер аралық қатнасларға да тийисли болады.
Сиясий шөлкемлер який система социумның өмир сүриўин тәмийинлеў мақсетинде топарлар, қатламлар, индивидлер арасындағы қарым-қатнасты тәртиплестириўши шөлкемлер, мәкемелер, институтлар, өлшемлик идеялар ҳәм теориялар жыйындысы болады. Буған сиясий мәденият, ғалаба хабар қуралларыда киреди.
Сиясий мәплер ҳәм идеялар – бул жәмийеттеги топарлар қатламлардың өзине тән сиясий, экономикалық, мәнәўий мәплери болып, сиясий партиялар ҳәм идеологлар оны теориялық тийкарлайды, идея ҳәм теория дәрежесине көтереди, режелер ислеп шығады.
Сиясаттың_баслы_функциясы'>Сиясаттың баслы функциясы - жәмийетлик машқалаларды шешиў, жәмийеттиң қәўипсизлигин, турақлылығын тәмийинлеўши ҳәм беккемлеўши жолларды белгилеп беретуғын илимий тийкарланған дәстүрлерди, нызамларды, қарарларды ислеп шығыў.
Сиясат бул ҳүжжетлерди қабыл етиў функциясында орынлайды. Дәстүрлер, нызамлар, қарарлар дөретиў жеткиликсиз, оларды толықтырып, додалап қабыл етиў, сөйтип, оларды сиясий ҳүжжет дәрежесине жеткериў керек.
Сиясаттың тийкарғы әмелий функциясы – қабыл етилген дәстүр, нызам, қарарлардың сөзсиз орынланыўын, турмысқа еңгизиўден ибарат. Сиясат усы ўазыйпаны орынлағанда ҳәм жәмийетти түрли унамсыз қубылыслардан тазалаған да ғана өзиниң ҳақыйқый мәнисине ийе болады.
Сиясаттың әмелге асыўы ушын елде белгили бир тәртипте келтирилген нызам ҳәм қағыйдалар системасы болыўы лазым, әмелий сынаўдан өткен қурал ҳәм усыллар қолланылыўы керек.
Сиясаттың қураллары – бул сиясий мақсет ҳәм функцияларды жүзеге шығарыў, сиясий идеяларды реаллыққа айландырыў қураллары болады. Олар тийкарынан еки түрли болады.