8-мавзу. ЎЗбекистонда “яшил иқтисодиёт”ни шакллантириш ва ривожлантириш босқичлари

Иккинчидан, “яшил иқтисодиёт” соҳасидаги норматив-ҳуқуқий базани такомиллаштириш.
Учинчидан, энергия самарадорлигини тартибга солиш ва назорат қилиш механизмларини ривожлантириш.
Тўртинчидан, “яшил иқтисодиёт” тамойилларини таълим ва фанга интеграция қилиш.
Бешинчидан, “яшил иқтисодиёт”га ўтиш учун салоҳиятни ошириш ва қулай муҳит яратиш.
Олтинчидан, “яшил инвестициялар”ни қўллаб-қувватлаш: “яшил кредитлаш”, венчур молиялаштириш тизимини жорий этиш; “яшил» фондлар”, энергия тежамкорлиги махсус фондлари ва бошқа худди шундай механизмлар яратиш; “яшил иқтисодиёт”га ўтиш бўйича лойиҳаларни молиялаштиришда хусусий секторни фаоллаштириш, “яшил инвестициялар”га нисбатан банк тизимини рағбатлантириш; фискал сиёсат орқали давлат томонидан “яшил иқтисодиёт”нинг барқарор ўсишини қўллаб-қувватлаш.
Таклиф этилаётган тадбирлар миллий иқтисодиёт рақобатбардошлигини ошириш ва аҳоли турмуш сифатини яхшилаш билан бир вақтда “яшил” иқтисодиёт асосида барқарор ривожланиш йўлига ўтиш имконини яратади. Миллий иқтисодиётни “яшиллаштириш” табиий ресурсларни чуқур қайта ишлаш орқали юқори қўшилган қийматга эга маҳсулотлар экспорти миқдорини ошириш, таркибини диверсификациялаш ва миллий компанияларнинг ташқи бозордаги рақобатбардошлигини оширишга хизмат қилади.


Назорат саволлари


1. Ўзбекистонда “яшил иқтисодиёт”га ўтиш заруриятини асосланг.
2. Ўзбекистонда “яшил иқтисодиёт”га ўтиш стратегиясининг мақсади, тамойиллари ва вазифаларини шарҳланг.
3. Мамлакатимизда “яшил иқтисодиёт”га ўтиш стратегияси қандай тамойилларга асосланади?
4. “Яшил иқтисодиёт”га ўтиш стартегиясининг амалга ошириш босқичлари ва устувор йўналишларини шарҳланг.
5. “Яшил иқтисодиёт”га ўтиш стартегиясининг мақсадли кўрсаткичлари ва индикаторлари нималардан иборат?
6. Иқтисодиётнинг базавий тармоқларида энергия самарадорлигини ошириш учун қандай чора-тадбирлар қўлланилмоқда?
7. Мамлакатимизда энергия ресурслари истеъмолини диверсификациялаш ва муқобил энергия манбаларидан фойдаланишни ривожлантиришнинг устувор йўналишлари нималардан иборат?
8. Ўзбекистонда сув ресурсларидан оқилона фойдаланишнинг мақсадли кўрсаткичларини тавсифлаб беринг.
9. “Яшил иқтисодиёт”ни қўллаб-қувватлашнинг молиявий ва номолиявий механизми ва амалга ошириш дастакларига нималар киради?

1^ Ўзбекистон Республикасининг “Париж битимини (Париж, 2015 йил 12 декабрь) ратификация қилиш тўғрисида”ги 2018 йил 2 октябрь, ЎРҚ-491-сон қонуни

2^ Ўзбекистон Республикасининг 2019 йил 21 майдаги “Қайта тикланувчи энергия манбаларидан фойдаланиш тўғрисида”ги ЎРҚ-539-сон Қонуни

3^ Ўзбекистон Республикаси Президентининг 2020 йил 10 июлдаги “Ўзбекистон Республикаси сув хўжалигини ривожлантиришнинг 2020 — 2030 йилларга мўлжалланган концепциясини тасдиқлаш тўғрисида”ги ПФ-6024-сон Фармони

4^ Ўзбекистон Республикаси Президентининг 2019 йил 17 апрелдаги “2019 — 2028 йиллар даврида ўзбекистон республикасида қаттиқ маиший чиқиндилар билан боғлиқ ишларни амалга ошириш стратегиясини тасдиқлаш тўғрисида”ги ПҚ-4291-сон Қарори