8-мавзу. Тайёр маҳсулот (товар, иш, хизмат)лар ва уларнинг сотилишини ҳисобга олиш

2.ТАЙЁР МАҲСУЛОТ ВА ТОВАРЛАР БЎЙИЧА КОНСИГНАЦИЯ ОПЕРАЦИЯЛАРИНИНГ КОНСИГНАНТДАГИ ҲИСОБИ

Консигнация шартномасига мувофиқ консигнант қуйидаги операцияларни амалга оширади:

1.Консигнацион маҳсулот ва товарларни консигнаторга сон ва пул бирликларда счёт-фактура, наклодной, топшириш-қабул қилиш далолатномаси асосида топширади.Ушбу ҳужжатлар асосида консигнация асосида сотишга берилган маҳсулот ва товарларнинг таннархига қуйидагича ёзув қилинади:
Дебет 2830 «Комиссияга берилган тайёр маҳсулотлар», 2960 «Комиссион тартибда сотишга берилган товарлар»
Кредит 2810 «Тайёр маҳсулот», 2910 «Омбордаги товарлар».
2.Консигнатор томонидан тақдим этилган хат-маълумотнома (авизо) асосида консигнацион маҳсулот ва товарларни сотишдан олинган даромад тан олинади ва унга қуйидаги ёзув берилади:
Дебет 4020 «Консигнатордан олинадиган счётлар».
Кредит 9010 «Маҳсулот сотишдан олинган соф тушум», 9020 «Товарларни сотишдан соф тушум».
3.Бир вақтнинг ўзида консигнатор томонидан тақдим этилган хат-маълумотнома (авизо) асосида консигнацион маҳсулот ва товарларни сотишга тўғри келадиган билвосита солиқлар (акциз солиғи, ҚҚС) тан олинади ва унга қуйидаги ёзув берилади:
Дебет 4020 «Консигнатордан олинадиган счётлар».
Кредит 6410 «Бюджетга солиқлар бўйича қарзлар».
4.Консигнацион маҳсулот ва товарларнинг сотиш қиймати консигнатордан келиб тушишини ҳисобга олади. Банк кўчирмаси ва унга илова қилинган электрон тўлов топшириқномаси асосида консигнатордан келиб тушган пул маблағларига қуйидаги ёзув берилади:
Дебет Пул маблағлари счётлари (5110,5210,5530)
Кредит 4020 «Консигнатордан олинадиган счётлар».
5.Бир вақтнинг ўзида сотилган консигнацион маҳсулот ва товарлар сотиш таннархи бўйича ҳисобдан чиқарилади ва унга қуйидагича ёзув қилинади:
Дебет 9110 «Сотилган маҳсулот таннархи», 9120 «Сотилган товарлар таннархи»
Кредит 2830 «Комиссияга берилган тайёр маҳсулотлар», 2960 «Комиссион тартибда сотишга берилган товарлар».
6.Сотилган консигнацион маҳсулот ва товарлар учун консигнаторга шартномада белгиланган шартларга кўра мукофаат пули (комиссия тўлови ҳақи) ҳисобланади унга қуйидагича ёзув қилинади: