8-мавзу. Тайёр маҳсулот (товар, иш, хизмат)лар ва уларнинг сотилишини ҳисобга олиш

Дебет 2810 «Тайёр маҳсулот», 2910 «Омбордаги товарлар»
Кредит 9110 «Сотилган маҳсулотлар таннархи»,9120 «Сотилган товарлар таннархи»
Қайтарилган маҳсулот ва товарларга тўғри келувчи ҚҚМ суммасига қуйидагича ёзув қилинади:
Дебет 6410 «Бюджетга солиқлар бўйича қарзлар»
Кредит 4010 “Харидорлар ва буюртмачилардан олинадиган счётлар”, 4110 “Махсус ажратилган бўлинмалардан олинадиган счётлар”, 4120 “Шўъба ва қарам хўжалик жамиятларидан олинадиган счётлар” ва бошқа дебиторлик қарзларни акс эттирувчи счётлар.
2. СОТИЛГАН МАҲСУЛОТ (ТОВАР, ИШ, ХИЗМАТ)ЛАР БЎЙИЧА ЧЕГИРМАЛАРНИНГ ҲИСОБИ

Маҳсулотлар, товарлар, иш ва хизматларни сотишда харидорлар ва буюртмачиларга тузилган шартнома шартларига кўра турли миқдорда чегирмалар ҳам берилиши мумкин. Бундай чегирмалар суммаси махсус контрпассив бўлган 9050 “Харидорлар ва буюртмачиларга берилган чегирмалар” счётининг дебетида акс эттирилади, бунда мос равишда 4010 “Харидорлар ва буюртмачилардан олинадиган счётлар”, 4110 “Махсус ажратилган бўлинмалардан олинадиган счётлар”, 4120 “Шўъба ва қарам хўжалик жамиятларидан олинадиган счётлар” ва бошқа дебиторлик қарзларни акс эттирувчи счётлар кредитланади.

9050 “Харидорлар ва буюртмачиларга берилган чегирмалар” счётининг дебетида тўпланган сумма, мос равишда, 9010 “Тайёр маҳсулотларни сотишдан олинган даромадлар”, 9020 “Товарларни сотишдан олинган даромадлар”, 9030 “Бажарилган иш ва хизматлардан олинган даромадлар” счётларининг дебетига ўтказилади ва шу асосда ушбу счёт ёпилади. Маҳсулотлар, товарлар, ишлар ва хизматларни сотишда берилган чегирмалар суммаси сотишдан олинган даромадлар суммасини камайтиради.


Мавзуга оид асосий таянч атамалар


Маҳсулот ва товарларнинг қайтарилиши – бу сотилган маҳсулот ва товарларнинг турли сабабларга кўра корхонага қайтарилиши.
Маҳсулот ва товарлар бўйича чегирмалар - маҳсулотлар, товарлар, иш ва хизматларни сотишда харидорлар ва буюртмачиларга тузилган шартнома шартларига кўра турли миқдорда тўлов суммасини камайтиришга олиб бориладиган чегирмалар.