8-мavzu: Hazm fiziologiyasi. Og’iz boshlig’i, me’da hazimlanish. Reja

So‘lak fermentlari. Odam so‘lagida uglevodlarni uzum shakarigacha parchalovchi gidrolitik fermentlar bor. Ptialin fermenti (so‘lak amilazasi, yoki diastazasi) kraxmalni dekstrinlarga, dekstrinlarni esa maltoza degan disaxaridga aylantiradi. So‘lakdagi ikkinchi fer­ment-maltaza ta’sirida maltoza ikki zarra uzum shakariga parchalanadi. So‘lak fermentlari yuksak darajada aktiv bo‘lsa ham, ovqat og‘iz bo‘shlig‘ida uzoq turmaganlili uchun ularning ta’sirida kraxmal batamom parchalanmaydi. Ptialin va maltaza ishqoriy sharoitda optimal ta’sir ko‘rsatadi. Xlorid kislotaning 0,01% konsentratsiyasi so‘lak fermentlarining ta’sirini susaytiradi, yuqori konsentratsiyasi esa so‘lak fermentlarining ta’sirini sekinlashtiradi va ular²ni parchalab yuboradi, shuning uchun me’da shirasi so‘lak fermentlarining ta’si­rini to‘xtatadi. Ovqat luqmasi me’da shirasini birdaniga shimib olmagani uchun so‘lak fermentlarining uglevodlarga ta’siri me’dada ham biroz vaqt davom etishi mumkin.