8-Ma`ruza. Organizmning sanoat zaharlariga o‘rganishi reja: Organizmlarning sanoat zaharlariga o’rganishi. Zaharli moddalarning surunkali ta’siri

Uchinchi faza – yaqqol zaharlanish (intoksikatsiya) fazasi majburiy faza emas. U o‘rganishning izdan chiqishi bilan bog‘liq, bu esa patologiyaga olib keladi. Zararli moddaga ta’sirchanlikning pasiligi unda yuqori ta’sirchanlikka aylanadi.

Yaqqol intoksikatsiya fazasida ta’sir qilayotgan zahar uchun spetsifik alomatlar paydo bo‘ladi. O‘rganish fazasi, odatda, intoksikatsiya davrlari bilan to‘xtab qoladi, keyin butunlay 3 – chi yaqqol intoksikatsiya fazasiga o‘tadi. Bu kompensator mexanizmlarning kuchsizlanishi yoki kuchli zo‘riqish bilan bog‘liq (ta’sir jadalligi kuchli bo‘lganda yoki kasallik, charchash oqibatida). Sanoat zaharlariga o‘rganish organizm evolyusiyasi jarayonida uchragan tashqi muhit sharoitlariga moslashishdan farq qiladi. Inson faoliyati tufayli paydo bo‘lgan omillarga o‘rganish – moslashish jarayonlarining kuchayishinigina emas, balki yangi moslashtiruvchi mexanizmlar ishlab chiqishni talab qiladi.