8-Ma`ruza. Organizmning sanoat zaharlariga o‘rganishi reja: Organizmlarning sanoat zaharlariga o’rganishi. Zaharli moddalarning surunkali ta’siri

Turli yosh davrlarida zaharlarga o‘rganish

Sanoat toksik agentlari ta’siriga o‘rganish qobiliyati turli yosh davrlarida turlicha bo‘ladi. Yosh, hali to‘liq shakllanib bo‘lmagan organizm zararlovchi omillar ta’siriga funksional tayyorgarlikning zarur darajasiga hali yetmagan bo‘ladi., bu uni zaharlarga nisbatan zaif qilib qo‘yadi. O‘spirinlik davrida toksik sanoat moddalari ta’siriga kattalarga qaraganda yuqori (2 – 10 marta) ta’sirchanlik kuzatiladi. Hayvonlarda olib borilgan tajribalarda yoshlarda kattalarga qaraganda o‘rganish qiyinroq kechishi aniqlandi. Qariganda moslashuvchanlik qobiliyati yanada yomonlashadi. Biroq qarilikda moslashuvning pasayishi asta –sekin, oldingi yillarda o‘rganishning rivojlanishi qanchalik yuqori bo‘lgan bo‘lsa, shunchalik sekin kechadi. Organizm ilgari o‘rganib qolgan zaharlarga nisbatan barqarorlik ancha uzoq vaqt saqlanishi mumkin.