8-bob. Har qanday holatda va jimo’ (jinsiy aloqa) oldida ham bismilloh aytmoqning sunnatligi

---

8-bob. Har qanday holatda va jimo’ (jinsiy aloqa) oldida ham bismilloh 

aytmoqning sunnatligi 

Ibn Abbos raziyallohu anhu deydi: «Janob Rasululloh sollallohu alayhi va sallam: «Agar birortangiz 

xotiningizga  yaqinlik  qilmoqchi  bo‘lsangiz,  «Bismillohi,  Allohumma  jannibnash-shaytona  va 

jannibish-shaytona  ma  rozaqtana  (Allohning  ismi  bilan  boshlayman.  Ilohi,  bizdan  shaytonni  yiroq 

qilgin va shaytonni bizga berajaging farzanddan yiroq qilgin!)» — deng! Shundan so‘ng sizga farzand 

taqdir etilsa (bola bo‘lsa), unga shayton zarar yetkazmaydi» — deganlar». 

 

 

Muhammad ibn Hanafiyadan: «Hazrat Ali raziyallohu anhu:  «Shahvati ko‘p odam  edim, Rasululloh 

sollallohu  alayhi  va  sallamdan  so‘rashga  uyaldim,  Miqdodga:  «Sen  so‘ragin!—dedim.  Rasululloh 

sollallohu alayhi va sallam: «Maniy (suyuq suv) kelganda, tahorat olmoq lozim bo‘ladi»,— deb javob 

qildilar». 

 

Zayd ibn Xolid Hazrat Usmondan: «Agar kishi xotini bilan aloqa qilgan bo‘lsa-yu, maniy to‘kmagan 

bo‘lsa,  nima  qiladi?»—deb  so‘radilar.  Hazrat  Usmon:  «Namozga  tahorat  olgandek  tahorat  oladi, 

olatini yuvadi. Rasululloh sollallohu alayhi va sallamdan ham shunday deb eshitganman. Ali, Zubayr, 

Talha va Ali ibn Ka’bdan so‘raganimda ham shunday deyishgan»,— deb aytdilar».