8-bilet savol

40 b 2-savol Xizmatlarni taqdim etish asosiy usullari. Xizmat ko‘rsatish shakllari. Xizmat ko'rsatish shakllari deyilganda, aniq servis operasiyalari yig'masi va iste'molchi uchun ne'matlardan iborat bo'lgan xizmatlarni taqdim etish usuli tushuniladi. Birgina xizmat turi doirasida turli xizmat ko'rsatish shakllari jalb qilinishi mumkin, ular mijozlar qulayligi uchun xizmat ko'rsatish jarayonini iste'molchi talablari bilan yaqinlashtirish uchun ishlab chiqiladi. Servis faoliyatini turli segment va yo'nalishlarida xizmat ko'rsatishni o'z an'anaviy yo'nalishlari shakllanmoqda. Shu bilan birgalikda servisni jadal rivojlanishi xizmat ko'rsatishni yangi shakl va tiplarini joriy etishga ko'maklashmoqda. Masalan, mehmonxona qoshidagi umumiy ovqatlanish punktlarida an'anaviy tarzda mijozlar uchun turli-tuman ovqatlar tayyorlash, ularni uy oshxonasida tayyorlangan taomlarga yaqinlashtirishga intilishadi. Dunyo mehmonxonalarini bufet va restoranlarida mijozlarga xonalarda xizmat ko'rsatish, shuningdek, bufetlarda esa mehmonlar stolni erkin aylanib o'tib birdaniga ko'p taomlarni tatib ko'rishi mumkinligini nazarda tutuvchi “shved stoli” tamoyili bo'yicha xizmat ko'rsatish keng tarqalgan. Restoranlarda bayramlarni, oilaviy bazmlarni o'tkazish va boshqalar boshqacha xizmat ko'rsatish tartibini taqozo etadi. Bu holda, avvalo tashrif buyurganlarni barcha hohishlarini bajara turib bayramona muhitni saqlashga intilishadi. Rasmiy banket kabi tadbirlarda yoki se'zd, kongress, majlis ishtirokchilariga xizmat ko'rsatish jarayonlarida boshqacha texnologik usullar qo'llaniladiki, bunda tez xizmat ko'rsatish ommaviy shakllariga katta e'tibor qaratiladi. Eskirgan va zamonaviy (yoki progressiv) xizmat ko'rsatish shakllari farqlanadi


40 b 3-savol Mehnat resurslarini rejalashtirish. Rekruting va tanlov. Hozirgi vaqtda ko'pgina oliy ta'lim muassasalari keng diopazondagi servis aktivligi bilan shug'ullanishga tayyor yuqori malakali mutaxassislarni tayyorlashmoqda. Bu mutaxassislikga yoshlar talabi oshib bormoqda. bular hammasi xizmat sohasidagi kadrlarni muhimligidan, ularni zarurligidan dalolat beradi. Dunyo miqyosida xizmatlar sohasi kadrlarni eng yuqori ko'chishi (shartnoma bilan ishlashni faqatgina birinchi yili davomida o'rtacha qirq foiz ishchilar ketib qolishadi), noqulay ish rejimi personal uchun yuqori stress va psixologik yuklama darajasi, sanoatga nisbatan past ish haqi va boshqalar xos bo'lgan xo'jalik yuritish sohasi hisoblanadi. Kadrlar bilan ishlash bo'linmasini faoliyatiga quyidagi vazifalar tegishli: - kadrlarni rejalashtirish; - personalni tanlash va ishga olish; - mehnat munosabatlarini (mehnat kelishmovchiliklari, majburiyat va javobgarlikni taqsimlanishi va boshqalar) tartibga solish; - mehnatni qulay sharoitlarini ta'minlash; - ishchilarni rag'batlantirish va oylik ish haqi tizimi. Yuqorida ta'kidlangan ko'pgina vazifalar kadrlar xizmati mutaxassislari tomonidan menedjerlar bilan birgalikda hal qilinadi. Bundan tashqari, kadrlar xizmati xodimlari har bir ishchini kasbiy va ish sifatlarini baholashga personalni baholash metodlarini ishlab chiqishda, ularni ishdan bo'shatish haqida qaror qabul qilishda va boshqalarda aloqador. Shuningdek, kadrlar xizmati personalni hisobga olish tizimini rivojlantiradi, kadrlar ko'chishini kuzatadi, shaxsiy hujjatlar bilan ishlashadi. Bu funksiyalar ushbu bo'linma ishchilarini o'zlariga qo'yiladigan yuqori talablar va ularni yaxshi tayyorlash zarurligidan dalolat beradi. Eng asosiy vazifalardan biri personalni tanlash ishlari hisoblanadi. Vazifa aniq lavozim va mehnat operasiyalarida ishlashni hohlovchilarni tanlashdan iborat. Tanlov maqsadlari nomzodlarga o'zlari haqidagi ma'lumotlarni aks ettiruvchi qator hujjatlarni dastlabki tekshiruvchilarni, intervyu va suhbatlarni o'tkazishni taqozo qiladi. Eng asosiysi, bunda nomzodlarni ularni bo'lg'usi majburiyatlari va lavozimlariga naqadar mos kelishini aniqlash hisoblanadi.