8-9 темалар. Tindiriw hám shóktiriw

Centrifugada payda bolıp atırǵan oraydan qashıwshı kúshler muǵdarınıń awırlıq kúshi tezleniwinen neshe márte kópligin kórsetiwshi shama ajıratıw koefficienti dep ataladı:

(3. 33)
Centrifuga rotorı aylanıw jiyiliginiń artıwı hám onıń diametriniń kemeyiwi menen oraydan qashıwshı kúsh maydanında ajıratıw ónimdarlıǵı artadı. Eger aylanıw tezligin aylanıw jiyiligi arqalı ańlatsaq, ajıratıw koefficientin anıqlaw ushın mına kórinistegi formulanı alamız:
(3.34)
Ajıratıw koefficienti centrifugalarınıń zárúr xarakteristikası bolıp, onıń ajıratıw qábıletin anıqlawshı kórsetkish bolıp esaplanadı.
3.7. Tındırıw hám shóktiriw qurılmaları
Shóktiriw processin túrli konstrukciyalı qurılmalarda yaǵnıy shóktirgishlerde ámelge asırıladı. Shóktirgishte suspenziya háreketi sebepli shóktiriw processi payda boladı: qattı bóleksheler qurılma túbine shógedi hám shókpe qatlamın payda etedi. Ádette shóktirgishlerdi esabı óz ishine eń mayda bólekshelerdi shóktiriwdı kózde tutadı.
Shóktirgishtiń salıstırma jumıs ónimdarlıǵın tómendegi formuladan tabıw múmkin: shóktiriw processin túrli konstrukciyalı qurılmalarda, yaǵnıy shóktirgishlerde ámelge asadı
(3.36)
bul jerde: l, b, h – qurılmanıń geometriyalıq ólshemleri, m; ₀ – bólekshelerdiń ortasha shógiw dawamlılıǵı, s.
Eger, shóktirgishtiń jumıs ónimdarlıǵı belgili bolsa, shóktiriw júzesin mına formuladan anıqlawǵa boladı:
(3.37)
bul jerde: G=G_m /– shóktirgish jumıs ónimdarlıǵı, kg/s; - ónim tıǵızlıǵı, kg/m³.
Tındırıw hám shóktiriw ushın arnalǵan qurılmalar islew principine qaray tómendegilerge bólinedi: gravitaciyalıq shóktirgish, centrifuga, gidrociklon hám seperatorlarǵa.
Tındırǵıshlar úzlikli, yarım úzliksiz hám úzliksiz isleytuǵın boladı.
Úzlikli isleytuǵın tındırǵısh. Bul túrdegi qurılma aralastırǵısh bolmaǵan jalpaq suw háwizinen ibárát. Suw háwizi suspenziya menen toltırılǵannan soń, tolıq ajıralıw payda bolǵansha shóktiriw processi dawam etedi.
Onnan keyin shókpe qatlamınan joqarıda jaylasqan shtutserden tazalanǵan suyıqlıq shıǵarıp alınadı. Qurılma túbindegi qattı bólekshelerden bolǵan shókpe qol járdeminde alıp taslanadı.
Shóktirgish ólshemleri hám forması túrli jınslı sistema bóleksheleri diametri hám suspenziya koncentraciyasına baylanıslı. Suspenziya tıǵızlıǵı hám bólekshelerdiń diametrin artıwı, tındırǵısh ólshemlerin kemeytiw imkániyatın beredi.
Tındırıw processiniń dawamlılıǵı dispers ion faza jabısqaqlıǵına baylanıslı. Málim bolıwınsha, temperatura ósiwi menen suyıqlıqlar jabısqaqlıǵı pásiyedi. Sonıń ushın shóktiriw processin intensivlew maqsetinde suspenziyalar qızdırıladı (eger texnologiyaǵa tán bolmasa).