7-tema: bas háriplerdiń imlasí. SÓZlerdi defis arqalí jazíw defis arqalı jazıw

SHÍNÍǴÍW. Berilgen tekstten bas háripler hám defislerdiń qollanıwın anıqlań.
1.NMPI studenti respublikalıq kólemde ótkerilgen shıǵarmalar tańlawında 3-orındı iyeledi. Ózbektan «Milliy tiklanish» demokratiyalıq partiyası tárepinen elimizde júrgizilip atırǵan demokratiyalıq reformalardı úgit-násiyatlaw, jaslardıń huqıqıy bilimlerin jetilistiriw, bilimlendiriw, medicina, óndiris hám basqa da tarawlarda korrupciyanıń aldın alıwǵa baǵdarlanǵan «Nızam - korrupciyaǵa qarsı gúresiwde eń nátiyjeli qural (Men korrupciyaǵa qarsıman)» atamasında shıǵarmalar tańlawı ótkerildi. 2. Voleybol boyınsha NMPI qızlar saylandı komandası bas treneri hám úsh aǵzası Aziya chempionatına qatnasadı. 8- dekabrden 15-dekabrge shekemgi kúnler aralıǵında paytaxtımız Nókis qalasında sporttıń voleybol túri boyınsha qızlar arasında XXIII Ózbekstan kubogı, sonday-aq erkekler arasında XXVIII Ózbekstan kubogı jarısları bolıp ótti.
Ájiniyaz atındaǵı NMPI diń
rásmiy telegram kanalı
TEST.
1. Eger dáslepki sózdiń birinshi buwının alıw jolı menen qısqartılsa, onda sol buwınnıń birinshi…….
A) háribi ǵana kishi hárip penen jazıladı
V) háribi ǵana bas hárip penen jazıladı
S) háribi hám ekinshi háribi bas hárip penen jazıladı
D) durıs juwap joq
2. Gáptiń bólekleri qawıslı san yaki qawıslı hárip penen berilgende
A) kishi hárip penen jazıladı V)bas hárip penen jazıladı
S) bas hám kishi hárippen beriliwi múmkin D)durıs juwap joq
3. Jup hám tákirar sózlerdiń barlıq túrleri
A) bas hárip penen jazıladı V)defis arqalı jazıladı
S) noqatlı útir arqalı jazıladı D) útir arqalı jazıladı
4. Qaraqalpaqstan respublikası prokurorı lawazımında isleydi. Gápte respublika hám prokuror sózleri durıs berilgen be?
A) respublika durıs prokuror nadurıs V)respublika nadurıs prokuror durıs
S) ekewi de nadurıs D) ekewi de durıs
5.Tuwra gáp avtor gápiniń qaysı ornında kelse de, tuwra gáptiń dáslepki sózi _______hárip penen jazıladı
A) kishi V)bas S) tek adam atı bolsa bas hárip D) durıs juwap joq
6. Qanday sanlar defis penen jazılmaydı.
A) rim V) arab S) qatarlıq D) tártip
7. Belgili bir aralıq yamasa jıynaqlawshı jup sóz mánisinde kelgen menshikli qospa atlıqlar.....
A) qosılıp jazıldı V)ayrılıp jazıladı S) defis penen jazıladı D) útir menen jazıladı
8. Qarashay____balkar, buryat______monǵol jıynaqlaw atlıqları qay tárizde jazıladı
A) qosılıp jazıldı V) ayrılıp jazıladı S) defis penen jazıladı D) útir menen jazıladı
9. Menshikli atlıqlar qanday hárippen jazıladı
A) bas hárip penen V) kishi hárip penen
S) bas hám kishi hárip penen D) defis aldına qoyılıp kishi hárip penen
10. Bas hárip penen jazılıw qaǵıydaları til biliminiń qaysı bóliminde úyreniledi
A) orfoepiya V) orfografiya S) fonetika D) morfologiya
TAPSÍRMA. Berilgen temalarǵa, sorawlarǵa tiykarlanıp qosımsha
ádebiyatlardan konspekt alıń.
1. Rim cifrlarınan keyin qanday jaǵday da defis qoyıladı, qanday jaǵdayda qollanılmaydı.
2. Kóp sózlerden quralǵan mákeme hám kárxanalardıń, mámleketlik hám jámáátlik xojalıqlardıń, oqıw orınları atlarınıń qalay jazıladı.
3. Defis qanday jaǵdaylarda qollanıladı.
4. Bas háripler imla qaǵıydaların aytıń
5. Qanday jaǵdayda bas hárip qollanılmaydı.
Ózbetinshe tapsırma
Sózlerdiń bas hám kishi háripler menen jazılıwına baylanıslı jumıslar islew.
Tarawlarǵa baylanıslı sózlerdi defis arqalı jazıw