7-tema: bas háriplerdiń imlasí. SÓZlerdi defis arqalí jazíw defis arqalı jazıw

7-tema: BAS HÁRIPLERDIŃ IMLASÍ. SÓZLERDI DEFIS ARQALÍ JAZÍW
Defis arqalı jazıw
1. Jup hám tákirar sózlerdiń barlıq túrleri defis penen jazıladı: jaqsı-jaman, dos-dushpan, azlı-kópli, sóyley-sóyley, kóre-kóre, bes-altı, on-on bes, júzbe-júz, qolma-qol, qap-qara, sap-sarı, t.b.
2. Mánisi boyınsha sıbaylas eki sózdiń juplasıwınan jasalǵan qospa atlıq, kelbetlik hám ráwishler defis arqalı jazıladı: qazan-tabaq, tálim-tárbiya, qurt-qumırısqa, qaraqalpaqsha-inglisshe, til-ádebiyat t.b.
3. Ayqınlawısh-ayqınlanıwshı mánisinde juplasıp kelgen qospa atlıqlar defis penen jazıladı:general-mayor, xabarshı-aǵza, agronom-entimolog,mexanik-aydawshı t.b.
4. Jıynaqlaw mánisinde qollanılatuǵın xalıq atları defis penen jazıladı: qarashay-balkar, buryat-monǵol t.b.
5. Belgili bir aralıq yamasa jıynaqlawshı jup sóz mánisinde kelgen menshikli qospa atlıqlar defis arqalı jazıladı: Tashkent-Nókis (temir jolı), Nókis-Moynaq (tas jolı)t.b.
6.. Janapaylardıń ba-be (ma-me, pa-pe), ǵoy, ǵana, emish túrlerinen basqaları defis penen jazıladı: sonday-aq, kelseń-á, joǵ-á, qoysań-á t.b.
7. Arab cifrı menen kelgen qatarlıq sannıń -ınshı, -inshi qosımtasınıń ornına defis qoyıladı: 1-mektep, 7-klass, 2016-jıl, 45-mákan puqaralar jıyını t.b.
8.Qatarlıq sanlardı bildiriwshi arab cifrları birneshe bolıp kelgende, olardıń sońǵısınan keyin defis qoyıladı: 4, 5, 8-mektepler, 6,9-dúkanlar t.b.
A1, qatarlıq sandı bildiriwshi rim cifrınan keyin defis qoyılmaydı: XX ásir, IX klass, III bap